Maki 1:27 - Ka Lamana'a Monoꞌi Lu Mu Tifiꞌehina Ka Yabe

²⁷ Ya'ma yuhufa mono'i ahuto hu'ehina ni'ifihe? Ai foipa felemagi kumu ka epekinogo ka'a keheli emilata nehabe.

Maki 1:27 ပူးပေါင်းရင်းမြစ်များ

Matiu 15:31

Ya higo asaga boana'i enali enekesa yigi babu li'ahana yabe. Hena'mugope negi bona'i aku'i kaga lila, felisa'ani kuyugu hina bona'i bati hu epolola, enigi'ani sibina hu'ehina bona'i kapo melela, to enali enubu'ani pisi lu'ehina bona'i enubu'ani i gili hula hinana be gelete'ani yabe. Ya hilete enali Isilaeli bona'magihi Hu'ma'anifu ai kumu fokehi hete gi'a li saga hi'ahana yabe.

Matiu 8:9

To hena'mube? Nani ana huto napa li'ehina sipi bomofihi maha'aluga nohugo lili'na nonimina yabe. To nani'ni ana huto gimi bo'ni nehana nani namanuga ana hite nehabe. To nani mone kene'mofihi bubo luto nolugomo ai bulata nohibe. To mone fato'amofihi obo luto nolugomo a'olata nohibe. To koko pana'nimofihi ya lili'na libo luto nolu etogomo ana lili'na lilata nohibe.

Matiu 9:33

Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.

Maki 1:26

Ya ligo foipa feleuba ana bomofihi le'mo igo kesepu kesepu ito sipi nogo nomoloto moha tuto he'mi etoto komopa'aguti tito bufa hu'ehibe. Ya higo asaga bona'magi topa nehete: Ya'ma hena hu'ehibe? lite, ai loka hago ai loka hago nehite ma lite li'ahana:

Maki 1:28

To yalo mele'isi Yesu kumu ka leli'ali hite bite asaga hepatoga Galili kapogu ni'ina hepatoga bite kaga beto hite lu epi'ehina yabe.

Maki 10:24

Ya ligo, pana'alobomagi ka'amu'i topa hete: Abo. Keta hina ka nolibe lite ai lu eminogo ai lu eminogo hite nehago Yesu ka mone hiti ma luto lu epi'ehina: Pana'alobo'nise. Enali yogo fe'nohi enemetahana'ani ni'ina bona'magi Hu'mamofihi kapogu tilana keta gofa nohibe.

Maki 10:32

To alihi, enali Yelusale hepatoga bilune'mu nehite kapo melete'ani to Yesu kohe toto nobigo pana'alobo'amagi enuluhaya bigo kapo nebago to enali enemege'i melete nebana boana'magi koli hite bi'ahabe.

Maki 16:5

To mulilugu tite bu gete, muli'mofihi kasihi lamaga'aga neheya kola bo mone koholi kata yatamana hepi'ehina bouba meto nohigo bu gete lusi koli hi'ahabe.

Maki 16:6

To ai ma luto lu epi'ehina: Koli mehilo. Lenali Nasalete bo, Yesu, malipu yafalo fili'ehina bomofihi sa nehana keheli'ohube. Ai maga menohibe. Aho ti'ehinagihe. Bu galo. Ya'ma mele'ahana hepa'i bu galo. Menohibe.

Maki 7:37

To asaga bona'magi lusi topa nehete enegelo bite ma li'ahabe: Bogiyo. Ya'ma Yesu ai asaga'na keheli bati nohina yabe. Ai ekesa hekini lo'ehina bomofihi le'mo bati higo, kaga nokehelibe. To kaga meluse mino'ehina bomofihi le'mo bati higo, kaga lu bati huto nolibe. Enali ya lite yege fi'ahana yabe.

Luku 4:36

To asaga bona'i ananalo yege fite minana bu gelete enelesa'ani ligo ai lu emigo ai lu emigo hite li'ahana yabe: Ya'ma henamofihi kaga nolibe? Ai foipa felemofihi enikibina bomagifi to lusi amuya bomagi nelana'a huto ka tugo'i ho nolifigo bomofihi gufa'aguti heleko limito nobibe lite li'ahana.

Luku 9:1

Yesu pana'alobo'a nayahi luga luga su hoto nigigusagati loemo heleko malago neminana kehe ito enele'mo nupa huloto ai gi'alo foipa felefi to enebesise'nafi li he'milabe luto enele'mo ho ti'ehina'a hiti to sipi amuya molo epoloto'a epi'ehina.

Aposolo 17:19

To enali Poluhi le'mete kanisole bona'i li gehesa hepa'i gi'a Aleopagu yabe lite bite ma lite li'ahana: Kai yuhufa kaga boana'i noenelepitamofihi hapa'a lali keheli bati hilune'mu nohune.