Maki 1:21 - Ka Lamana'a Monoꞌi Lu Mu Tifiꞌehina Ka Yabe

²¹ To enali Kapaneami kapogu bite nehetigo yalo fuli yupapogu Yesu mono nonugu tito kaga enelepilube'mu nohuto mino'ehina.

Maki 1:21 ပူးပေါင်းရင်းမြစ်များ

Matiu 4:13

Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Maki 1:20

Enali ana naga'i botigu nehite faya gutalafa'ani mu netifigo Yesu bu enogoto ana'asi ana loe panate kehe igo etali afo'atitifu Sepeti to lili'nalo bona'magihi hiti botigu he'mi epelete mege'i bifa hi'aha'ibe.

Maki 1:29

To Yesu ana mono nonuguti limito, Yemesi hiti Yoni hiti limite bite Simoni Atulu kogunale etali noha'atitigu ti'ahabe.

Maki 1:33

Asaga ana hepato bona'magi aitoga ete kasito li gehesa nehago ai fato fato epesi'ehina bona'i babu lite enele'mo bati hu'ehibe.

Maki 1:39

Ya luloto buto asaga Galili kapogu bego bego huto mono noha'anigu tito ka lu noepito, to foipa fele li he'mi epololata huto mino'ehina yabe.

Maki 10:1

Yalo Yesu to pana'alobomagi anagati he'mite bite Yutia kapogu bite'ani to Yotani nagami muya beletoga ni'ina kapogu bi'ahabe. To anagu babu bona'magi Yesutoga ete li gehesa nehago ai mone yupahi hiti kaga lu epilata huto mino'ehibe. Ai hapa'a ya huto ni'ina yabe.

Maki 2:1

Kana nesi'asi su holago Yesu Kapaneami hepatoga nehetito nonuga ti'ehibe. Ya higo asaga bona'magi: Noha'agu tito nohibe, lite keheli'ahabe.

Maki 3:1

Mone kanagu hitimono nonugu ti'ehibe.

Maki 6:2

To fuli yupapogu Yesu mono nonugu tito nominoto kaga hapi fito lu epito nohigo, enali kehelite otopa hete ma li'ahana: Akae. Ya'ma ka kiyi'afu lu emigo nolibe? To keheli fe luse'namo hiyagati kehelito nohibe? To ai mana hepato bo nohinaya ya'ma topa hose foya lise'namofihi amuya'a hiya'agati li'ehibe?

Luku 10:15

To lenali Kapaneami bona'ise. Lenalitini kokulumalugu lele'mo saga hilune lite ya'iya tilafihe? Logo hepalugu limilana'mu yabe.

Luku 13:10

Mone fuli yupahi Yesu mono nonugu minoto bona'i mono ka lu enelepi'ehina.

Luku 4:16

Yesu Nasalete bu'ehina. Koyapa'i ai yagapana'i nohuto ya'mana hepato nohuto hofa toto olopa hu'ehina. To ai fuli kanagu asaga hulata nohina'a hapa'a huto mono nonugu Hu'mamofihi ka'a lu epilube'mu ti'ehina.

Luku 4:23

To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Aposolo 17:2

Polu hulata nohina suhi luto Yuta bona'magi kaga lu keheli fa keheli hilata nehana noha'anigu buto ti'ehina. To ai loegi monegi fuli kana'agu mono bukugu ana bona'i kaga ma luto lu epi'ehina:

Aposolo 18:4

Ai asaga fuli kana'alo Yuta bona'i li nupa hite mono kaga lu keheli fa keheli hilata nehana noha'anigu tiloto Yuta bona'i hiti to Giliki bona'i hiti Yesu Hu'mamofihi lusi pana'a huto hu'ehibe, luto kaga lu epi'ehina.