Luku 9:7 - Ka Lamana'a Monoꞌi Lu Mu Tifiꞌehina Ka Yabe

⁷ Heloti Galili kapo kibina bo ai asaga'na huto hinamofihi kaga'a akehelito nohigo luga'a bona'magi Yoniu nagami folo epolose bo fili'ehinati aku'i ho ti'ehibe lago ai ekesagu pisili bito loe lae hu'ehina.

Luku 9:7 ပူးပေါင်းရင်းမြစ်များ

Matiu 11:2

To Yoniu ai nagami folo epolose bo naga'i emi'ahago nohuto asaga lili'na Yesu nolinamofihi ka'a keheliloto koko pana'a enoho lifigo Yesutoga e'ahana.

Maki 8:28

Ya ligo, enali ma li'ahana: Mone'amagi Yoniu nagami folose bo yabe lite nelabe. To mone'amagi Elaiya yabe lite nelabe. To mone'amagi koyapa ka lu huto huto bo moneuba aku'i ho notibe lite nelabe. Kai kumu ya lite nelana yabe.

Luku 13:31

Ana yupahi Felosi bona'i luga'amagi ete ma lite Yesuhi lu emi'ahana: Helotiu kahalube'mu nohinagi kai ma hepa'i he'mito foto'i fatoga bubo, lite lu emi'ahana.

Luku 21:25

Ikato yegelo to sonofito fato fato lu huse lu huse'na huto hilina'mu yabe. To melugu asaga bona'magi enipa'anigu koli hulenogo hege nagamiluguti sipi nogo moloto bililina'mu yabe.

Luku 23:7

Enali lu emigo akeheliloto Yesu ai Helotiu kaba hu'ehina melugu bo nohigo keheliloto Helotiu nohinaga Yesuhi ho lifi'ehina. To ya'mana yupahi Helotiu Yelusale hepatoga oloto'a mino'ehina yabe.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Luku 9:19

Ya ligo enali luga'amagi: Yoniu nagami folo epolose bo nohibe lite nelago luga'amagi Elaiyau nohibe lite nelago to luga'amagi koyapa'i lu huto huto bona'i fili'ehina aku'i meluguti ho ti'ehibe lite li'ahana yabe.