Luku 9:51 - Ka Lamana'a Monoꞌi Lu Mu Tifiꞌehina Ka Yabe

⁵¹ Hu'mau Yesuhi le'malina kana'a leba tago Yesu Yelusale hepato kapo moloto bilube luto ekesa kehelite mino'ehina.

Luku 9:51 ပူးပေါင်းရင်းမြစ်များ

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Luku 12:50

Nani mone fi taga huse'na nanitoga huto hilibe, luto nekesa noyugube, lu'ehina. Ya nohuna yatai ana fi taga huse'na su mehenogo sipi keta nonebesibe, luto Yesu lu'ehina yabe.

Luku 13:22

To Yesu sipi hepa'ifi lagaso hepa'ifi ninalo bula ola huto boana'i mono kaga lu epimo lu epimo Yelusale hepatoga bilube'mu hu'ehina yabe.

Luku 17:11

Yesu Yelusale hepatoga mege'i mololoto Samalia kapo'a hiti Galili kapo'a hiti folagaha'atitigu bu'ehina.

Luku 18:31

Yesu yahi luga luga su hago gigusaga loemo leke ho malago aposolo panana'a enele'moloto ma luto lu epi'ehina: Kehelilo. Yatai Yelusale hepato tilune. Ya hulenogoti lu huto huto bona'magi koyapa'i asaga kaga Kokulumaguti limi'ehina Bomofi kumu lime lime ti'ahana yatai nose'na'a huto hilibe.

Luku 19:11

Yesu lina kaga kehelina bona'i bame ka mone luto lu epi'ehina. Hena'mugope ai Yelusale hepa'i lebato oloto nominago enali Hu'mamofihi Kapo'a yatai ma'asi huto hilina'mu yabe, lite nekeheligo yabe.

Luku 19:28

Yesu ana bame ka lu epiloto kohe toga Yelusale hepa kapo mege'i moloto bu'ehina.

Luku 24:51

Ai lusa'a gi epoloto nohigo Hu'mau fulu fulu huto kokulumalugu le'mo saga hu'ehina yabe.

Luku 9:57

Kapo melete nebago bo moneuba Yesuhi ma luto lu emi'ehina: Bula ola hilataga nani kemege'i lefelili hilube lu'ehina.

Yoni 13:1

To mone kana'a nose'na laita hite nalana Pasa yabe nelana ya'ma yupahi leba talina Yesu ma meluguti he'mito afo'afihi hepato bilina kana ma'asi huto hilibe luto akeheli'ehina. Ai boana'a ma melugu mine'ahanamagihi asaga yupahi keke'i lu epolo'ehina. To ai keke'i lu epolose'na'a minomo buto su meho'ehigo ai fili'ehina.

Yoni 16:28

Nani Afo'nifihi he'mi etoto metoga limi'ohuna. To ya'ma hepa'i he'mito Afo'nifitoga tilube'mu hube.

Yoni 16:5

Yatai ya'ma noho lifi'ehina bomofihi nohinaga i behe huto bilube'mu nohugo lenalitogati bo moneuba hiyaga bilube'mu nohane luto noloka meho'ehibe.

Yoni 17:11

Nani metoga minaluna kana'ni asu nohabe. Kaitoga molo emite nehinogo nani kaitoga mele'isi tilube'mu nohugo enali melugu minalana'mu. Ke, hetofa Afo'niga, kai ka lamana'amofihi kigika nimilatogo epi'ohunamofihi kaika enele'mo hetofa hu'ehitogo ya'ma kagamofihi kaba huse'nakagu minalabe. Ya hilete le'ali komopati'a hepito ninamofihi suhi hite enali komopa'ani moneko hepito minalube.

Yoni 6:62

Kokulumaguti limi'ehina Bouba koyapa'i mino'ehina hepatoga aku'i tilina ya hena huto ni'ibe?

Aposolo 1:2

kokulumalugu ti'ehina kana moloto oto pa sobe. Kokulumalugu meti'ehigo Sikalafu'uba Yesuhi he'mago kaga ma luto enele'mo nupa hu'ehina aposolo panana'a lu epi'ehina.

Aposolo 1:9

Yesu ya luto kaga lu su holago enali be gelete nehago Yesu kokulumalugu notigo sopohi moneuba oto le'mo fenene enubuloti hu'ehina.

Efeso 1:20

Ana amuya'a sipinauba Kilisitou fili'ehinaguti le'mo ho tiloto kokulumagu le'moto tito Hu'mamofihi lamaga'aga le'mo malago mino'ehinamo ni'ibe. Ya'mana amuya'a lali komopatigu ni'ina kehelilabe luto Hu'mamofihi loka nohobe.

Filipai 3:14

Yamu'i nani yokolo'na hite hololu lilata nehana bona'i suhi luto mina'a lilube luto amuya moloto nohube. Ana mina'a henana ni'ibe? Hu'mau Yesu Kilisito kumu luto kokuluma kapolo nele'mo malalinamo ni'ibe. Ya'ma lilube luto gili gili huto amuya moloto nobube.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Hibulu 6:20

Lali kumu yabe luto le'mo kohe to leto'ehina bo, Yesu ai yamofihi analo lele'mo kohe to lito buto sipi mono nopofihi komopa'agu bu neheti'ehina ai Melekisitekihi naga'a suhi huto lali'i mamufa gi emilata bo lolo huloto mino lito buto asaga kana'amu kana'amu bigo minalube'mu nohibe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.