Luku 9:50 - Ka Lamana'a Monoꞌi Lu Mu Tifiꞌehina Ka Yabe

⁵⁰ Ya ligo Yesu lu'ehina: Lenali lilina'a laga mehi etalo, ai fatehatini legi huto menohina ai lenali lenalalutinifu yabe.

Luku 9:50 ပူးပေါင်းရင်းမြစ်များ

Matiu 12:30

Bo moneuba nanitoga komopa'a nimito meminalina ai nani fateha'ni nohibe. Bo moneuba nani'i nehe'moto sipisipi yaga enele'mo tulu menohina ai'ya ana sipisipi yaga enele'mo tili tele nohibe luto Yesu lu epi'ehina yabe.

Matiu 17:24

Yesu koko pana'a hiti Kapaneami hepatoga nehetilago sipi mono noto takisi efahi lise bomagi Pitatoga ete ma lite loka he'ahana: Tisatiniuba sipi mono noto takisiba nohe'mina ni'ifihe?

Matiu 17:26

Pitau lu emi'ehina: Bonoho bona'magi yabe. Ya ligo Yesu lu emi'ehina: Ya hu'ehinagi ya'mana hepato bona'i takisi efahi mehe'milana'a huto ni'ibe.

Maki 9:38

To Yoniu ma lu emi'ehina: Babafio. Laliya, bo moneuba kigika hoto foipa fele enele'mo nohe'migo bu gototi: Ya mehubo luto lu laga hu eto'ohuta yabe. Ai lali lemege'i menomalana bo nohinagihe.

Maki 9:41

Lusiga lu nolepugi keheli'ehilo. Bo moneubafi moneuba lenali Kilisitohi naga'i nehana kumu luto nagami'i mone nesi'asi lepinogo, Hu'mau alihi nona'a hetofana'a emilibe. Nani bona'ni nagami epi'ahatalo yabe luto mina'a emilibe. Yesu ya lu'ehibe.

Luku 11:23

Bo mone ai nalalu'nifu legi huto menohilina ai'ya fateha'ni nohibe. To bo moneuba nehe'moto pana'alobo'ni enele'mo nupa mehilina ai ma'naka luto pana'alobo'ni enegene ito enele'mo tili tele hulata nohibe luto Yesu lu'ehina yabe.

Luku 16:13

Sipi bo loemale'i lili'na'atiti moneko bouba lilina'a huto meni'ibe. Mone'mofihi ipakafa nohoto mone'mofihi fokehi halina'mu yabe. To mone'mofihi le'mo bati nohuto mone'mofihi le'mo hale hilina'mu yabe. Lenali moneko kumu Hu'mamofihi nasana'a le'mo bati nehite efahi le'mo bati nehite mehilana'mu yabe, luto Yesu lu epi'ehina yabe.

1 Koliti 12:3

Yanamofihi megesa'aga linogo'ni kehelilagi keheli'ehilo. Bo mone'mofihi Hu'mamofihi Sikalafu'uba le'mo babahi higo Yesuhi le'mo gumi'i molo emito melilube'mu hibe. To Sikalafu'uba babahi mehinogo Yesu ya'ma Sipi Bo'ni nohibe luto melilina'mu yabe.