Luku 9:45 - Ka Lamana'a Monoꞌi Lu Mu Tifiꞌehina Ka Yabe

⁴⁵ Ya lina enali ana ka hapa'a mekeheli'ahana yabe. Ana kamofihi hapa'a fala kito ni'igo enali keheli hokolo mehite aku'i loka halupi hena hilupi lite loe lae hite enelesa lu'ehina yabe.

Luku 9:45 ပူးပေါင်းရင်းမြစ်များ

Matiu 16:22

Ya ligo Pitau le'mo beletoga moloto amuya ka emekiloto ma luto lu emi'ehina: Sipi Bo, enali ya mehi ketalana'mu yabe. Ya'mana suhi kaitoga huto mehilina'mu yabe.

Matiu 17:22

Yesuhi koko pana'a Galili hepato aku'i e nupa hilago kaga mone ma luto lu epi'ehina: Kokulumaguti limi'ehina Bomofihi fateha'amagi enayanugu le'mete bite bilana kana'a anasi hupamone nohibe.

Maki 9:10

Ya ligo, enali kehelite ka lu meepise minete'ani, suguna hite enegekesa yigiba yigiba hite mine'ahabe. Ai fili'ehinaguti ho tilube luto nolina kamofihi hapa'a henana ni'ibe lite enegekesa kehelite ai loka hago ai loka hago hite mine'ahana yabe.

Maki 9:32

Ya ligo, enali ya'ma ka'a enelepise'namofihi mekehelise nehanati to aku'i enelesa'ani ligo hapa'a loka mehese mine'ahana yabe.

Luku 18:34

Yesu ya luto lu epina kaga enali aposolo panana'amagi hapa'a mekeheli'ahana yabe. Yesu lina kaga hapa'auba enalitoga fala ki epolo'ehigo ana kaga lu epina enali keheli bati mehi'ahana yabe.

Luku 2:50

To etali ya'mana kaga Yesu lu'ehinamofihi hapa'a keheli bebe mese'aha'ina yabe.

Luku 9:46

Yesuhi koko pana'amagi enali'aniguti kiyi'afu sipi nohibe lite lilete kenasabo bi'ahana.

Yoni 12:16

Ya'ma hi'ahana kana'agu Yesuhi pana'alobomagi mono kaga koyapa'i fayahi ge'ahanamofihi hapa'amu mekehelite to boana'magi Yesu kumu enegelo bi'ahananamu ana hite hapa'amu mekeheli'ahana. To alipo Yesu fili'ehinaguti ho tito kokulumamofihi fana tose'nagu ti'ehina yana kanagu ya'ma mono fayahi ge'ahanamofihi beto hite keheliya i'ahana.

Yoni 12:34

To ya luto ligo bona'magi kagalo nona'a lu emi'ahana: Lali keya ka bukugu fayahi ge'ahana: Mesia ai minoba minobo hilina'mu, henabe luto enali Kokulumaguti limi'ehina Bomofihi meluguti le'mo saga hite ho fililabe, luto lu'ahata? Kokulumaguti limi'ehina Bo kiyi'afu nohibe?

Yoni 14:5

Yesu ya luto lu epigo Tomasiu lu emi'ehina: Sipi Bo yale, bilata hepa'i mekeheli'ohuta ya'ma kapo'a hiya'a huto kehelilune?

Yoni 4:33

Ya ligo koko pana'amagi ai loka hago ai loka hago hete ma li'ahana: Nose'na mone bouba ito oto emi'ehifi lite lu keheli'ahana.