Luku 9:35 - Ka Lamana'a Monoꞌi Lu Mu Tifiꞌehina Ka Yabe

³⁵ Yalo'i sopopoguti nogo'a moloto ma lu'ehibe: Ya'ma bo nani'ni pana'ni nohibe. Nigi moneko pana'ni le'mo ho ti'ohuna pana'ni ka'a kehelilo.

Luku 9:35 ပူးပေါင်းရင်းမြစ်များ

Matiu 12:18

Ya'ma lili'nalo bo'ni nohibe luto Hu'ma lu'ehina, ai nani'ni le'mo ho notube. Ai nebesina bo nohigo ai kumu'i nipagu bati hulata nohina pana'ni yabe. Nani Sikalafu'ni aitoga malaluna'mu yabe, to ai fato naga'magitoga hetofanaguti minosemofihi kagu lu epimofa'na hilina'mu yabe.

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Maki 1:11

To kokulumaguti Hu'mamofihi nogo'auba ma luto lu'ehibe: Kai nigi moneko pana'ni, nebesita pana'ni nohane. Nani kofokehi gofa nolube.

Luku 3:22

Ya nohigo Sikalafu'i kigopa nama legitana huto aitoga nolimigo bu negago kokulumaluguti nogo moneuba ma luto lu'ehina: Kai nani pana'ni yabe. Kai nibita huse pana'ni nohane. Komopa'ni kaitogago nokumube.

Luku 9:34

Ya noligo enalitoga sopohi gilago samapagu pana'alobomagi minete sipi koli hi'ahana.

Yoni 12:28

Ke, afo'niga. Kigikamo le'mo hofa tobo. Ya ligo kokulumaluguti nogo'a moneuba lu emi'ehina: Nani nigi'ni le'mo hofa to'ohunagi to aku mone hiti le'mo hofa talunagihe.

Yoni 3:16

Hu'mau ma melugu bona'i asaga kumu laga'a besina'mu luto sipi ginaga nofigo gi moneko pana'asi ho lifigo limi'ehina. Asaga bona'magi aitoga keheli ule'ale hite komopa'ani molo emite mefililana minoba minoba hilana'mu yabe.

Hibulu 2:3

Ya hu'ehina'mu laliti hena huto lubuto bilatana tito mino'ehinamofihi he'minogoti buto fa'menena lolo hilina ni'ibe? To yata'a ai'a Sipi Bouba kana'amu kana'amu moloto lubuto bilatanamofihi kaga'a lu yege hoto molo'ehinamo yamofihi enegekesatu yigi hokolo hite keheli'ahana'a enali lu limi limi hago amuya molo'ehinamo ni'ibe.

Hibulu 3:15

Kaga mone hiti mono bukugu ma luto ni'ibe: Lenali yatai Hu'mamofihi nogo'a keheli'ehilanamo yamofihi lenali koyapa'i Hu'mamofihi ipakafa helete kegeiyo hi'ahana. Ya suhi hite komopatini fi hekini lolenogo ya mehilo.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.