Luku 9:31 - Ka Lamana'a Monoꞌi Lu Mu Tifiꞌehina Ka Yabe

³¹ Etali kokulumamofihi fana meha'a hiti nehetilete Yesu Yelusale hepalugu Hu'mau lu eto'ehina kapolo moloto fililinamofihi ka'a lugo keheligo hi'ahana.

Luku 9:31 ပူးပေါင်းရင်းမြစ်များ

Luku 9:22

Kokulumaguti limi'ehina Bo sipi gabu'i gilenogo enali olopa bona'i to sipi mono noto kaba bona'i to keya ka babafi bona'i enali enemegesa hu nimite nani'i nehelenogo fili'ohunagati aku'i loegi monegi yupahi minoloto Hu'mau nele'mo ho tilibe luto Yesu lu epi'ehina.

Luku 9:30

Mele'isi analo bo loemale'i Yesu hiti kaga beto hi'ahana. Ana bole etali Moseugo Elaiyaugo neha'ibe.

Yoni 1:29

Eteka'a Yesu Yoni nohinalo ago bu goloto ma luto lu epi'ehina: Malo Hu'mamofihi sipisipi yaga nala'a nohibe. Ai asaga noto noto bona'magi foipana'ani li he'mi noepololata nohibe.

2 Koliti 3:18

Lali ya'ma logobisati aitoga ifi toto sa megi'ehinogo Sipi Bomofihi fana meha'a gapo gapo'i legitanagu bu galata suhi huto Sipi Bomofihi fana meha'a bu goto nohutogo ai fana meha'auba fi fana to letoto lele'mo gelehe higo Sipi Bomofihi suhi lolo huto nohuta yabe. Ya'ma Sipi Bomofihi Meha'a ai ya hu letalata nohibe.

Filipai 3:21

Ai silaga'i li nupa huto kafiluga enele'mo malago ai kafopaluga mololata kaba nohina amuya'aloti ya'ma lapa mebina lugufa li gololo tilenogo ai'a fana mehe gufa'a legitana lolo hilune'mu hibe.

Kolose 3:4

To alihi Kilisitou lali minose bihati nohina bouba fana meha'a hiti aku oto nehetilenogo lenali ana hite fana meha'agu nehetilabe.

Hibulu 11:22

Yosefeu ai keheli ule'ale huse bo nohibe luto fililina kana'a tupa nohigo Isilaeli bona'i enali minete Iyipi metoga he'mite bilana'mu yabe luto kehelito ai'a felisa'amu kohe toto lu laga huto ma luto lu epi'ehina: Bilune'mu nehitemo ya'ma nani'ni felisa'ni hiti lite bilo.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

2 Pita 1:15

Ya hu'ehina'mu fililenogo'ni lenali kaga ya'ma le'mo kosaba kosaba hite lite kehelilete biba biba hite minalabe luto noluto amuya malalube'mu ya nohube.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.