Luku 9:27 - Ka Lamana'a Monoꞌi Lu Mu Tifiꞌehina Ka Yabe

²⁷ Lenekesu ka'ni meheno. Yatai nani lu nolepube, luga ma ho tite nehana mefilise nehite Hu'mamofihi kapo'a huto hilina enali yata'a bu gelete fililana'mu yabe.

Luku 9:27 ပူးပေါင်းရင်းမြစ်များ

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Maki 14:25

To lusiga lu nolepube. Nani yatai bai nagami'i nonobe. Aku'i asaga yupahi menalube. To alihi Hu'mamofihi kapo'a huto aku'i yalo yuhufasi naluna'mu yabe luto Yesu ya lu'ehibe.

Maki 9:1

To Yesu ka mone hiti ma lu epi'ehina: Lusiga lu nolepube. Alihi Hu'mau ai kapo'a amuya hiti le'mo huto hilina kanagu ya'ma bona'i yatai malo nehana'a mone'amagi enali mefilise nehite bu galana'mu yabe. Yesu ya lu'ehina yabe.

Luku 2:26

Sikalafu'uba Simionitoga alu emi'ehina mefilise nohitogo Hu'mau le'mo ho ti'ehina bo, ya'ma Mesiau huto hilibe lu'ehina bu goloto fililata'mu yabe.

Luku 22:18

Nani lu nolepube, yatai hiti to alihi hiti nani bai nagami'mofihi pana'a menose nohinogo'ni alihi Hu'mamofihi Kapo'a alina'mu yabe.

Yoni 14:2

Ifo muyalo Afo'nifihi hepa'i ni'inalo nohi babu luto ni'inagi nani kohe toto tito hepatini li kuguma hilube. Yanuga li kuguma hu su holoto'ni i behe hu limito lenali kumu lenele'malube luto'ni lenali hiti nani nohunalo minalune. Ya'ma huto hilinamo meni'itita lu hokolo hu leputita'mu yabe.

Yoni 16:7

Nani ka legeya'a lilugi kehelilo. Nani i behe huto tiluna nasanauba ana'ina lamana'a li huto hu lepilina'mu yabe. He'mi lepoloto metutita lenehe'malina bo ya'ma melimitita'mu yabe. Tiloto'ni ya'ma ho lifinogo lenalitoga limilina'mu yabe.

Yoni 8:59

Ya luto ligo enali efa kosahi lite Yesuhi ilune'mu hi'ahana. Ya hana Yesu fala kito sipi mono nonuguti he'mito bufa hu'ehina yabe.

Hibulu 2:9

Ya huto Yesu bu go fe luto kehelilata nohune. Kana'a hupamone ya'ma agelomagihi enalitogati limito minoto Hu'mau lehe'mose'namu keke'i luse'na kehelito fili'ehina yabe. Asaga bona kumu yabe luto fili'ehina. Ya'ma fili'ehinanamofihi gabu gise'namu Hu'mau le'mo hofa tago fana meha'a hiti gi'amo li saga huse'na hiti aitoga huto hu'ehina bu golata nohune.