Luku 9:20 - Ka Lamana'a Monoꞌi Lu Mu Tifiꞌehina Ka Yabe

²⁰ Ai pana'alobo'a enoloka ho'ehina: Lenali nani kumu'i kiyi'afu nohibe lite lenekesa nekehelibe? Yesu ya luto enoloka hago Pitau ma luto ka'alo lu'ehina: Kai Hu'mau koho lifi'ehina pana'a Mesia nohane lu'ehina.

Luku 9:20 ပူးပေါင်းရင်းမြစ်များ

Matiu 22:42

Lenali Mesia kumu hena hibe lite nekehelibe? Ai kiyi'afihi pana'a nohibe?

Matiu 26:63

Ya luto loka hago Yesu kaga meluse legeso huto mino'ehina. Ya higo ya'ma sipi mono bouba ma lu emi'ehina: Nani ma'naka luto Hu'ma mehiti bomofihi gi'alo koloka nohonagi kai lu nimibo. Kai Mesiaga Hu'mamofihi Pana'a nohapi fato'ibe?

Matiu 5:47

To kai kalalukafinogo yahi emito be notigito fatehakamofito kubu bu go fatoga nomalata henanaloti luga'a bona'i enebe ligilata ni'ibe? To fegutoga bona'magi hiti ana suhi hilata nehabe.

Maki 14:61

Ya higo, sipi olopa mono bouba, mone hiti loka hoto ma lu'ehibe: Kai hetofa bo Hu'mamofihi pana'a, Mesia bo nohapiye?

Maki 8:29

Ya lago, ai: To lenaliya? Lenali nani kumu kaga henana lite nekehelibe? Ya'ma ya luto enoloka nohago, Pitau ma luto lu emibe: Kai Hu'mau kele'mo ho ti'ehina bo, Mesia nohane.

Luku 22:67

Kai lu limibo. Kai Hu'mau le'mo ho ti'ehina bo, Mesia nohapi to fato bobe? To Yesu lu epi'ehina: Nani lu lepilunaya nani ka'ni keheli menimilana'mu yabe.

Luku 9:19

Ya ligo enali luga'amagi: Yoniu nagami folo epolose bo nohibe lite nelago luga'amagi Elaiyau nohibe lite nelago to luga'amagi koyapa'i lu huto huto bona'i fili'ehina aku'i meluguti ho ti'ehibe lite li'ahana yabe.

Yoni 1:41

Ai yata'a buto go'afihi Simonihi sa sa huto bu goloto ma luto lu emi'ehina: Lali Mesiahi abu go'ohune, lu'ehina. Ya'ma Mesiahi ho gelehe huto Kilisito, gimofihi hapa'a Hu'mau le'mo ho ti'ehina bo, nolune.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 11:27

Ya ligo Matau lu emi'ehina: O'yo. Sipi Bo, Hu'mamofihi pana'a le'mo ho ti'ehina bo nohane. To kokulumaluguti koho lifigo melugu limi'ahata ya'ma akeheli amuya molo'ohube.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Yoni 4:29

Nani koyapa'i lolo hu'ohunana lu hokolo huto lu nimi su nohana bo lenali bite bu galo. Ai Hu'ma ho lifi'ehina bo Mesia nohifi fato bo nohibe?

Yoni 4:42

Ya hilete ana a'mofihi ma lite lu emi'ahana: Yatai lali keheli amuya molone. Kai lu limita kaga ni'igopa laliti baga'aguti akeheli etone. To ai lusiga ma'naka luto asaga melugu boana'i oto enele'mo enubuto bilibe li'ahana bomo nohibe lite li'ahana yabe.

Yoni 7:41

To luga'amagi li'ahana: Ai Mesiaumo nohibe. Ya nelago luga'amagi li'ahana: Mesiau Galili metogati huto mehilina'mu yabe.

Aposolo 17:3

Mesiau gabu foya liloto filito aku ho tilibe luto Hu'mau le'mo ho ti'ehina. Ya'ma Yesu kumu kaga lu nolepuna boya ai Mesiau nohibe luto lu yege hago enali enegekesa keheliya i'ahana.

Aposolo 8:36

Etali kapo melete bite nagami'i mone ni'inalo heneti'aha'ina. Ya hilete ana gamani bouba Filipihi lu emi'ehina: Bu gobo, nagami'i ma ni'ibe. Nagami folose kapo'ni henanauba hekini lo neto'ehibe?

Aposolo 9:22

Ya lite lana Soliu lu yege ho epina kagauba amuya molo'ehina. Ya higo Yuta bona'i luga'a Tamasiko hepalugu neminanamagi kaga'a lina kehelilete topa he'ahana. To Yesu bo mana'i Mesiau nohibe luto lu epina kagauba amuya molo'ehina'mu enali Solihi nona'a lu meemi'ahana yabe.

1 Yoni 5:1

Bona'i luga'amagi Yesu kumu Hu'mau le'mo ho ti'ehina bo yabe lite keheliya ilana enali kumu Hu'mamofihi yagapana'a nehabe luto lu epalalune. To ya huto ni'igo ya'ma afo'anifihi komopa'ani emilana enali ana hite yagapana'a hiti komopa'ani epilabe.