Luku 9:12 - Ka Lamana'a Monoꞌi Lu Mu Tifiꞌehina Ka Yabe

¹² Utehi yege limi falalube'mu nohigo Yesuhi 12 pana'alobo'amagi aitoga ete ma luto lu emi'ahana: Ma hepa'mo ka me'i ni'inagi kai asaga bona'i enoho lifitogo hepa'i ninalo bila ela hite nose'na'ani sa sa hite nelete kalabe.

Luku 9:12 ပူးပေါင်းရင်းမြစ်များ

Matiu 14:13

Yesu ana kaga keheliloto ana hepa'i nohe'mito boti lito bona'i menehana hepalugu bu'ehina yabe. Ai'asi bu'ehina yabe. Ya hu'ehigo enali boana'magi kehelilete hepa'ani nehe'mite mege'i lifite bi'ahana yabe.

Matiu 15:23

Ya ligo Yesu kaga meluse mino'ehina. To enali Yesuhi koko pana'a aitoga elete ma lite lu emi'ahana: Ma a'auba lemege lemege nohuto kaga luba luba nohina kai ho lifitogo bufa hino.

Matiu 15:32

Yesu koko panana'a kehe i nupa huloto ma luto lu epi'ehina: Ma bona kumu'i nani niginaga nofibe. Hena'mugope enali loegi monegi yupahi nani hiti mine'ahana yatai nose'na nalana'a meni'ibe. Nani nose'na meepise enoho lifinogo'ni bilana enali kapoga nebinogo enubu neta neta bilenogo ho kete kela ya hila hilabe'mu nolube.

Luku 9:11

Yege yege bona'i Yesu ya huto nobibe lana'a kehelilete mege'i lifite bi'ahana. Ai enebe tigito Hu'mamofihi kapo kumu'i kaga lu epito epesi'ehina bona'i enele'mo ye ko'ehina yabe.

Luku 9:13

Ya nelago Yesu ma luto lu epi'ehina: Lenalitini nose'na epilo, lu'ehina. Enali ma lite li'ahana: Lali beleti nose'na loegi loegi monegi hiti faya'i loe hiti anasi li'ohune. Kai kekesa nokehelita asaga ya'ma babu bona'magihi nose'na sa sa huto mina filoto ito oto epilupihe?

Yoni 6:1

Yesu ya luto kaga alu epi su holoto alihi Galili nagami hefuhi Taibiliasi yabe lite gi helata nehanaga i gofa hoto bu'ehina.

Filipai 1:19

To lenali nani kumu yabe lite kehelite Hu'mamofitoga lilata hi'ahana foya lilenogo to Yesu Kilisitohi Sikalafu'auba nele'mo bati hulenogo bati huto minaluna nasana li huto molo netalube'mu hibe. Komopa'nigu ya'ma luto kehelito keheli bati huto minalube'mu hube.