Luku 9:1 - Ka Lamana'a Monoꞌi Lu Mu Tifiꞌehina Ka Yabe

¹ Yesu pana'alobo'a nayahi luga luga su hoto nigigusagati loemo heleko malago neminana kehe ito enele'mo nupa huloto ai gi'alo foipa felefi to enebesise'nafi li he'milabe luto enele'mo ho ti'ehina'a hiti to sipi amuya molo epoloto'a epi'ehina.

Luku 9:1 ပူးပေါင်းရင်းမြစ်များ

Matiu 16:19

To nani kokuluma kapolo hokolo hilatanafi to hekini lolatanafi kimiluna'mu yabe. To kai ma melugu nominotoka hapa'a mone hekini loto lu laga hu epelenogo kokulumalo bo, Hu'mau ana huto lu laga hilina'mu yabe. To ma melugu nominotoka hapa'a mone hokolo hu epelenogo kokulumalo bo, Hu'mau ana huto hokolo hilina'mu yabe.

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 8:9

To hena'mube? Nani ana huto napa li'ehina sipi bomofihi maha'aluga nohugo lili'na nonimina yabe. To nani'ni ana huto gimi bo'ni nehana nani namanuga ana hite nehabe. To nani mone kene'mofihi bubo luto nolugomo ai bulata nohibe. To mone fato'amofihi obo luto nolugomo a'olata nohibe. To koko pana'nimofihi ya lili'na libo luto nolu etogomo ana lili'na lilata nohibe.

Luku 10:1

Alihi Yesu 70 bo'a enele'mo ho tito loemo loemo hepato fato fatolo enoho lifila, enoho lifila higo enali kohe tete nebinogo ai alihi bilube'mu hu'ehina.

Luku 10:19

Kehelilo. Osifa gufalo fito kakamuke'magi luba nehana yagakafamagihi ibe lilika ibe hite nebite ana hite fatehatinimagihi asaga amuya'ani li gofa halabe luto nani amuya lepi'ohube. To ana'ina moneuba lenugufa li sibina mehilina'mu yabe.

Yoni 14:12

Lusiga lu nolepube. Bona'i mone'amagi nanitoga keheli ule'ale hu niminogo ya'ma nani amuya foya'ni suhi hite lilana'mu to, ma'naka luto mone hiti foya'nimofihi be ligite babu lite lilabe. Hena'mube? Nani Afo'nifitoga tito minenogo'ni enehe'menogo babu lite amuya lili'namo lilabe.

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Aposolo 3:16

To le'ali Yesutoga komopati'a moloto le'emehi emi'ohu'ibe. Ya'mu luto Yesuhi gi'auba ma gigusa sibina nohina bomofihi le'mo amuya nomalago lenali kehelilete bu go bati nehabe. Yesutoga komopati'a emito le'emehi emi'ohu'ina Hu'mamofitogati le'alitoga o'ehinauba ya'ma amuyana hetofana aitogati oto lenali lenubulo huto nohigo asaga'i bu go baga neibe.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Aposolo 9:34

Pitau lu emi'ehina: Eniasio. Yesu Kilisito yatai kele'mo bati nohibe. Kai ho tito nebelusaka tili huto tege hubo. Ya noligo Eniasiu ko'ehinaloti mele'isi ho ti'ehina yabe.