Luku 8:41 - Ka Lamana'a Monoꞌi Lu Mu Tifiꞌehina Ka Yabe

⁴¹ Bo mone gi'a Yailusi yabe luto nohina bo ai mono noto kaba nohina bo heneti'ehina yabe. Ya huloto ana bouba Yesuhi gigusagu ho koto koloto: Kai hiti nani hiti nani nonuga bilu'ibe luto Yesuhi loka ho'ehinagi

Luku 8:41 ပူးပေါင်းရင်းမြစ်များ

Luku 13:14

To mono noto kaba hu'ehina bouba ya huto Yesu ana a'i fuli yupahi le'mo bati hina'mu luto ipagu logo lo'ehina. Ya higo ma luto asaga boana'i lu epi'ehina: Lili'na lise kana'a loegi loegi loegi yupahi minolata nohune. To lenali lenebesise'natini li he'mi lepalalabe litemo lili'na lilata nohuta kanalo elata hilo. Ya huto lepesi'ehinogomo fuli kanagu mealo luto, mono nohi kaba bouba lu'ehina yabe.

Luku 17:16

Ya huloto oto Yesuhi gigusagu golaga fito nokoto Yesuhi gepohi li'ehina yabe. Ya'mana bo ai Samalia kapolo bouba yabe. Yuta bona'magi ya'ma Samalia bona'mofihi enele'mo laba hilata nehana.

Luku 5:8

To Simoni Pitau huto hinana bu goloto lapusa nohi Yesuhi bulo melugu minoto lapusa filoto lu'ehina. Sipi Bo, he'mi netoto abufa hubo. Nani bo foipa'a nohube, luto lu'ehibe.

Luku 8:42

yege pa'a mone'isi besito filise'na nohigo bilu'ibe luto loka ho'ehina. Ana pa'i nayahi luga luga su hoto mone kegi'ati loemo heleko malago kufu'a bu'ehina. Yesu kapo moloto nobigo babu bona'magi le'mo folaganugu melelete luga lugati peninite nebago bu'ehina yabe.

Luku 8:49

Ana kaga Yesu lu su meho'ehigo bo mone kaba bomofihi nonugati kaga lito oto pakamo filibe luto Yailusihi lu noemito ana'a hiligi yabe luto tisa bo le'mo he'mibo luto lu'ehina.

Yoni 11:21

Matau buto Yesuhi fo tula hoto lu emi'ehina: Oho, Sipi Bo'nimaka. Kai noha'nigu minatita netali'nifu mefilitita'mu yabe.

Aposolo 13:15

Mono noto kanisole bomagi Moseu li'ehina keya ka hiti to kaga lu huto hulata bomagi fayahi ge'ahanana hiti leka selete alihi kaga ma lite Polu hiti lalu'agi hiti lu epi'ahana: Nogonamu tamu'ise, boana'magi komopa'ani li amuya malalana kaga lite e'ehitemo lenali lu hokolo hite lu epilanamo ni'ibe.

Aposolo 18:17

Ya higo Yuta bona'i li nupa hite kaga lilata nehana noto kaba bo Sosetenisihi enali nu kite ka foya lilata nehana kasito segihi osahi emi'ahana yabe. To ya hananalo ya'ma gamani bo Galiou, ya habe luto ekesa mone meyigi'ehina yabe.

Aposolo 18:8

To Kilisipau, Yuta bona'magi li nupa nehana mono noto kaba hu'ehina bouba ai lalameha'a hiti Sipi Bomofitoga komopa'ani emite Poluhi ka'a mege'i mele'ahana. Ya nehago Koliti bona'i luga'a babu lite Poluhi ka'a kehelilete ana mono ka li pili kete nagami'i fele'ahana yabe.

Aposolo 9:38

To Lita hepa'i Yopa hepa lebato mino'ehina. Ya hu'ehigo enali Yesutoga komopa'ani melete neminana bona'magi Pitau ya huto Yopa hepatoga noabe lana'a kehelilete bo loemaletoga kaga ma lite melete etoho lifi'ahana: Ke, kai hololu luto mele'isi lalitoga obo.

Huto Hilina Ka 5:8

Kelebe gi'ahana pepamo noligo amuya moloto minolata kene'i loebe loebe to olopa kaba bona'i luga'a 24 sipisipi nala'amofihi maha'aluga bite lipi emi'ahana. Ya hilete enali nama lilibe lite ilata nasana napa gita legitana ya'ma li'ehite to lape'i mone ya'ma golitu lolo hi'ahana hiti eto eto hite lite mine'ahana. Tu'a hiti mafeleke mamufa gilata nehana lapelugu bai toto ni'ito yanauba mono bona'magihi Hu'mamofitoga nunumu lilata nehanamofihi babeyafa suhi huto ni'ibe.