Luku 8:37 - Ka Lamana'a Monoꞌi Lu Mu Tifiꞌehina Ka Yabe

³⁷ Ya hago babu boana'i Gegese hepatoti ete li nupa hite minanamagi Yesuhi: Bufa hubo lite li'ahana, lali sipi lelesati nolibe li'ahana yabe. Ya lite lago Yesu botigu tito he'mi epoloto bufa hu'ehina yabe.

Luku 8:37 ပူးပေါင်းရင်းမြစ်များ

Matiu 8:34

Ya lu epilago tauniga neminana boana'i asaga'na Yesutoga bilune litemo bi'ahana. Yesu nohinalo nehetite loka heba heba hite: Lali metimoloti he'miloto bufa hubo, lite li'ahana yabe.

Maki 5:17

asaga bona'magi ete Yesuhi ma lu emi'ahana: Kai abufa hubo. Hepatiloti he'mito bubo lite ka liba liba hi'ahabe.

Luku 10:16

Yesu koko panana'amagihi ma luto lu epolo'ehina: Bo moneuba katini keheli lepilinaya nani'ni ka keheli nimilibe. To bo moneuba megesa hu lepilinaya nani'i megesa hu nimilina'mu yabe. To bo moneuba nani'i megesa hu nimilina aiya noho lifi'ehina Bomofihi ya'ma Hu'mamofihi megesa hu emilina'mu yabe.

Luku 5:8

To Simoni Pitau huto hinana bu goloto lapusa nohi Yesuhi bulo melugu minoto lapusa filoto lu'ehina. Sipi Bo, he'mi netoto abufa hubo. Nani bo foipa'a nohube, luto lu'ehibe.

Luku 8:28

Ai Yesuhi bu goloto sipi kehe iloto okabagati ifi toto Yesuhi gigusagu hekili higo koloto sipi kehe ito ma luto lu'ehina: Yesuo, kai ifo muya kokulumalugu Bo Hu'mamofihi Pana'a. Kai hena suhi hu netalube'mu nohane? Ke, kai nagabu gise'na li nugufalo memolobo, luto Yesuhi kehe ito lu emi'ehina yabe.

Luku 8:36

Bona'i luga'a enali ana huto hinana bu gete minanamagi kaga beto hite luga'a bona'magi ya huto ana bo negi noto nominanamo Yesu oto le'mo bati hu'ehibe lite lu epi'ahana.

Luku 8:38

Ana bo gufaguti foipa fele Yesu li he'mi etana bouba Yesu kumu: Nani hiti bilu'ibe luto mege'i lifito nobinamo Yesu aku'i ho lifi he'miloto ma luto lu emi'ehina:

Luku 9:5

To hepa'i mone luga nehe netinogomo nonuga lenele'mo menemelenogomo enubulo lenemegesatini epite he'milata hilo.

Luku 9:56

Ya hulago enali ana hepa'i he'mite fato hepato bi'ahana.

Aposolo 16:39

Ya hilete enali Lomu gamani bomagi Polunogo Silasinogo eniginaga ka lu etimilete etele'mo fegu te'ahana. Ya hilete ma hepa'i he'mite bufa hiliyo lite etoho lifi'ahana yabe.