Luku 8:30 - Ka Lamana'a Monoꞌi Lu Mu Tifiꞌehina Ka Yabe

³⁰ Yesu ana bo loka ho'ehina: Kigika gi'aga nohane? Ya ligo ana bouba lu'ehina: Nani nigi'ni yege yegeloita yabe. Hena'mugope babu foipa fele ailuguti bai tete mine'ahana.

Luku 8:30 ပူးပေါင်းရင်းမြစ်များ

Matiu 26:53

Nani Afo'nifihi nehe'malibe luto kehe ilunaya agelo gimi bo 12 tauseni'a be ligito babu lito enoho mefilibe luto kai mekehelipiye?

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 8:29

Yesu olenogo etali sipi kehe ilete: Hu'mamofihi pana'ise. Hena suhi hu le'etalube'mu nohane? Alihi asaga bona'i halata yupahi yatai aku le'ahalapiye? li'aha'ina yabe.

Maki 16:9

To Yesu, fuli yupahi su holago, etehi folugu'i fili'ehinaguti ho ti'ehina yupahi ai yata'a Malia Magatala a'mofihi bulo huto hu'ehibe.

Maki 5:9

To ya ligo Yesu: Kigika ho nimibo ligo ai: Nigi'ni Yege yege'nao yabe, luto'a, lali yege yege fele nohutagihe, luto lu emi'ehibe.

Luku 8:2

To ana huto ana'i luga'a Yesu enebesise'nafi to foipa fele li he'mi epalana mege'i melete bi'ahana yabe. To analuguti moneya Maliau yabai Magatala hepalo a'i yabe lite gi'a helata hana ailuguti koyapa'i Yesu foipa fele nayahi mone kegi'a su huto mone kegi'ati loemo heleko malago li he'mi eto'ehina yabe.

Luku 8:29

Yesu yata'a foipa fele komopa'aguti li he'mi etana molo nokehelito kehe i'ehina. Babu yupahi ya'mana foipa feleuba ana bo li sa gilago to bona'magi gigusa yapolo naga'i gi pili ko ete'ahana'mu i pulu tigo ka melugu le'moto bulata nohina yabe.