Luku 8:2 - Ka Lamana'a Monoꞌi Lu Mu Tifiꞌehina Ka Yabe

² To ana huto ana'i luga'a Yesu enebesise'nafi to foipa fele li he'mi epalana mege'i melete bi'ahana yabe. To analuguti moneya Maliau yabai Magatala hepalo a'i yabe lite gi'a helata hana ailuguti koyapa'i Yesu foipa fele nayahi mone kegi'a su huto mone kegi'ati loemo heleko malago li he'mi eto'ehina yabe.

Luku 8:2 ပူးပေါင်းရင်းမြစ်များ

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Maki 16:1

Fuli yupahi su holago, Malia Magatala a'i to Malia Yemesihi ito'afu to Salome, enaligo Yesuhi gufa'alo mesebe falalune lite bite hetofa mesebe mina fi'ahabe.

Maki 16:9

To Yesu, fuli yupahi su holago, etehi folugu'i fili'ehinaguti ho ti'ehina yupahi ai yata'a Malia Magatala a'mofihi bulo huto hu'ehibe.

Luku 23:27

To babu boana'i bululu hite mege'i lifite nebago luga'a ana'magi eniginaga fi emilete yibisu kalasu hi etete lubaha'ani hosopa igo bi'ahana yabe.

Luku 23:49

Yesuhi lalu'agi luga'a hiti to ana'i luga'a hiti Galili kapoguti Yesuhi mege'i lifite e'ahanamagi nesi'asi foto'i mino melete mine'ahana enali asaga'na Yesuhi hu etanana bu ge'ahana yabe.

Luku 23:55

To ana'i enali Galili kapoguti ho tilete Yesuhi mege'i lifite e'ahana ana'i enali Yosefehi mege'i melete bi'ahana yabe. Ya hilete enali efaha muli'i bu ge'ahana yabe. To ana bite Yosefeu Yesuhi gufa'a hena hena huto malafi lite bu go bati hi'ahana yabe.

Luku 8:30

Yesu ana bo loka ho'ehina: Kigika gi'aga nohane? Ya ligo ana bouba lu'ehina: Nani nigi'ni yege yegeloita yabe. Hena'mugope babu foipa fele ailuguti bai tete mine'ahana.

Yoni 19:25

To Yesu malipu yafa'alo nekisa'aga ito'afu ho tito mino'ehina. To ana hite bo mone'mofihi gi'a Kolopasi, ai'i liha'a Maliagi to Magatala hepato a'i hiti, Maliagi enaliya nehana.

Aposolo 1:14

Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.