Luku 8:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To mone ka hiti ma lu'ehina: Bona'magi libi'i ligite lapetu'i ifi tela to sipa kapoluga melelata menehabe. Hitalo nemalana yabe. To libi'i ya huto'i mele'ahago besa besa nolago bona'i ana logo fana meto be gelete bila ela hite minelata nehabe.

Luku 8:16 ပူးပေါင်းရင်းမြစ်များ

Luku 11:33

Bona'magi libi logo'ani li kulu tilete fala kite lapetu ifi tete memelelata nehabe. Enali noha'anigu huto'i mele'ahago besa besa loto ni'igo ana fana meto bona'i bu gelete nonuga bilata nehabe.

Luku 8:15

To nose'na biha'a me'i bati huto nogoya'a ninalo limo ito bati huto tinamofihi hapa'a ma huto ni'ibe, bona'i enali ka keheli ule'ale hite lilete amuya melete minago enaliluguti nose'na biha'a huto huba huba hulata nohibe, Yesu ya lu'ehina yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Huto Hilina Ka 1:20

To nayahi lamaga'aga sonofi'i 7 ya'a hiti to libi'i 7 golitu lolo hi'ahana ya'ma bu go'ahata yamofihi suguna nasanamofihi hapa'a lu kimilugi kehelibo. Sonofi'i 7 ya'ma Hu'mamofihi yagapana'amagi li gehesa 7 enali'i kaba hi epalalana bona'i agelo bona'i ya suhi hite nehabe. To libi'i 7 ya'ma Hu'mamofihi ka keheli'ahana bona'magi li gehesa 7 nehana yabe.

Huto Hilina Ka 11:4

Etali oliba yafa loemo to libi'i loemo ya'ma me'mofihi Sipi Bo'a ai bulo ho tilete minete ya suhi hite neha'ibe.