Luku 7:41 - Ka Lamana'a Monoꞌi Lu Mu Tifiꞌehina Ka Yabe

⁴¹ Ya ligo Yesu ma lu'ehina: Loe bomale'i bo mone'mofitogati efahi hite li'aha'ina yabe. Mone bouba loe yagi loe yagi mone yagi bona'magi enigi enayahi su hago kina moni li'ehina yabe. To mone bouba nayahi luga luga su hago kina mone'isi li'ehina yabe.

Luku 7:41 ပူးပေါင်းရင်းမြစ်များ

Matiu 18:28

Ya higo ya'mana bouba heleko limito buto lili'na moneka neli'ina bo mone'mofihi tina huto tola efaha'a nesi'a emi'ehina bo bu goto lubaha'alo lito li geka geka huloto mele'isi tinaka pa sobo lu emi'ehina.

Matiu 6:12

To kai foipanati li he'mi letobo, to lali ana huto bona'magi foipana nehiletana li he'mi epalalune.

Maki 6:37

Ya lago Yesu: Lenali nehanaya, lenalitini nose'na epilo, luto lu epi'ehina. Ya ligo enali ma lu emi'ahana: Kai kekesa kehelito lali buto 200 kinaloti'i nose'na mina fito ito oto epilupiye?

Luku 11:4

Kai foipanati li he'mi letetogo lali ana huto asaga bona'magi foipana nehi letana li he'mi epalalune. To kai sipi fi taga huse'nagu lele'mo memolobo.

Luku 12:48

To lili'nalo bo moneuba sipi bo'amofihi ka'a keheli bati menohina mone foipa hu'ehigo ai'i osahi nesi'asi fulu huto halina'mu yabe. To Hu'mau bona'i mono'mofihi nasana epi'ehinana enali aku'i babu lite analo molo emite epilabe. To boana'i enali babu ana'ina bo mone'mofihi yanugu melelata nehana alihi enali ananalo aku'i babu lito molo emito ana bouba epilata nohibe.

Luku 13:4

To ma 18 bona'i Siloami hepalugu yatama nohuba i tele bito limito enoho gehesa koyapa'i hu'ehinamoba lenali nekehelina asaga Yelusale boana'i enehete foipa bona'i nehafihe?

Luku 7:40

Yesu kaga lu saga huto lu'ehina: Simonio, nani kaga mone ya li'ohuna lu kimilube. Simoniu lu'ehina: Babafio, kai alubo.

Luku 7:47

Yatai nani lu nokumube. Nani ya'ma a'mofihi babu foipana'a asaga'i li nohe'mi eto'ohunogo ai nani kumu sipina nobesibe. To bo mone'mofihi Hu'mau foipana'a nesi'asi li he'mi etalina aku'i ana bouba nani kumu'i nesi'asi nobesibe.

Romu 3:23

Hiya huto moneko babeyafa nehabe? Lali asaga bona'magita foipana li'ohutogo Hu'mamofihi fana mehena'a meliluta'mu ana'alo i fetaga hu'ohune.

Romu 5:20

Hu'mau bona'i foipana'ani ni'igo bu goloto enelepilube luto keya ka lu epi'ehina. Ya keya kauba huto hu'ehigo foipana'ani samahi tito hu'ehibe. To foipana'ani babu luto huto hu'ehigo Hu'mau enehe'mose'na sipi'a mone hiti li huto higo be ligi'ehina yabe.