Luku 7:39 - Ka Lamana'a Monoꞌi Lu Mu Tifiꞌehina Ka Yabe

³⁹ To ai Felosi bouba Yesuhi nose'na nalu'ibe luto kehe i'ehina bouba ana a'uba hinana bu goloto ma huto ekesa yigi'ehina yabe. Ya'ma bo ai mana ka luto mono bomo nohutomo ya'ma a'uba gufa'alo meko nohina hena huse a'i nohifi luto bu galibe lu'ehina yabe. To hena huse foipana lito nominafi luto ai lilibe.

Luku 7:39 ပူးပေါင်းရင်းမြစ်များ

Matiu 20:16

Ya luloto Yesu ma luto molo emito lu'ehina: Ya'mana suhi luto bona'i enali alihi alanamagi kohe talana'mu yabe, to bona'i enali kohe tete alanamagi enali alihi bilana'mu yabe.

Matiu 21:11

To babu boana'i Yesu hiti kapo melete banamagi ma lite li'ahana: Ai kaga lu yege hose bomo Yesu Nasalete hepato Galili kegi'a bomo nohibe.

Maki 7:21

Bomofihi komopa'aguti ekesa noyiginana asaga'i notina yabe. Moko lise'na, bauna ise'na, bona'i ho filise'na, a'i gumina folose'na, to komopaka hosopa ito ana'ina'mu nani'ni babu luto lilube lulata ya'ma, to foipana fato fato'i huse'na ya'ma yabe. To, bahane hose'na, kolota kolota hapa'a huse'na, siko huse'na, megeka luse'na, kugufaka limo titi huse'na, to keheli sibina huse'na,

Luku 12:17

To ya higo ana sipi bouba komopa'agu ma luto ekesa yigi'ehibe: Hena'ni hilube? Noha'ni nose'na li nupa huto molose noha'nimo kikipa habe. Hena'ni hilube?

Luku 15:2

Ya nehago Felosi bona'i to keya ka tisa bo bu gelete gulu gulu bite ma lite Yesuhi ka emeki'ahana: Ma bouba ai foipa bona'i hiti enele'mo bati huto enali hiti nose'na nolata nohibe.

Luku 16:3

Ya luto fe'noho bouba ligo ana kaba bouba ma luto lu'ehina: Nani sipi bo'niuba lili'na'niloti a'nele'mo he'milube'mu linogo nani hena'ni hilube? Nani amuya moloto ke'muya mekifila to fato bona'i nose'na'mu kehe iluna nubuya'ni hilina'mu yabe.

Luku 18:4

Kaga loko nohina bouba yata'a ana eto a'i mehe'malube'mu hu'ehina alihi ma luto ekesa yigito lu'ehina yabe: Nani Hu'mamofihi koli'a menohu etona ana huto bona'i enele'mo bati menohuna yabe.

Luku 3:8

To lenali foipanatiniguti i gelehe hilanana'muko kehelite minalo. Ya hilenogo nelepilata bu galube. Lenalitiniguti ka mone lu ho tite Abalaha tatatifu yabe lite melilo. Lenali lenegekesa kehelite Abalahau kaba hu letalibe lite ya melilo. To nani lu nolepube. Hu'mau ma efahi lito Abalahahi tata'afi lolo hilibe.

Luku 7:16

Ya higo asaga boana'i anana bu gelete enelesa'ani gofa ligo Hu'mamofihi gi'a li saga hite fokehi hete ma lite li'ahana: Mono ka lu yege hose bo sipi mone folagahatigu huto nohibe. To Hu'mau boana'a enehe'moto enubuto bilibe luto a'noabe.

Luku 7:37

Ya neha'igo ana hepato foipa a'i mone nominanati Yesu ya huto Felosi bomofihi nonugu nose'na nena'ibe lana'a ka'a keheli'ehina. Ya huloto ana a'uba efaha kohi mone hetofa'a liloto o'ehina.

Luku 7:38

To ai buto Yesuhi megesaga ho tiloto gigusaluga minoto yibi huto mino'ehina. Yibi nohigo bu nogoyauba Yesuhi gigusa'alo bili bili nohigo soso hu etoto lataha'alo yatama oka'atu li sepa i eto'ehina yabe. Ya nohuto ai efaha konugu tu mesebe nina li'ehinamo Yesuhi gigusa'alo hoto nonoto ana tu mesebe folo eto'ehina yabe.

Luku 7:40

Yesu kaga lu saga huto lu'ehina: Simonio, nani kaga mone ya li'ohuna lu kimilube. Simoniu lu'ehina: Babafio, kai alubo.

Yoni 4:19

Ya noligo ana a'uba topa hoto lu'ehina: Akae. Sipi bo, yatai a'nokeheli ketobe, kai kaga lu huto hulata bo nohane.

Yoni 7:12

Ya lago enali li gehesa hite nehana boana'magi sumi sami kaga ai kumu li'ahana: Ai hetofa bomo nohibe, lite luga'a bona'magi nelago to luga'a bona'magi ma lite li'ahana: Ai bona'i faga faga lu epilata nohina bo yabe.

Yoni 9:24

To Yuta bona'magi ketona kanagu bu pisi lu'ehina bomofihi aku'i kehe ite ago lu emi'ahana: Ya'ma hetofa huto hu keto'ehina'mu Hu'mamofihi ai'ago foke ka lu emibo. Ya'mana Yesu foipana lilata bo nohina keheliya i'ohune.