Luku 7:25 - Ka Lamana'a Monoꞌi Lu Mu Tifiꞌehina Ka Yabe

²⁵ To henana bu galune lite bi'ahanabe? To lenali bo moneuba hetofa gukete li hekoloto nohigo bu galune lite bi'ahanafiye? Nani lu nolepube. Enali bona'i hetofa gukete li hekelete to hetofa enugufalo li melete neminana bona'i ya enali gihiti bomofihi noha'agu minelata nehabe.

Luku 7:25 ပူးပေါင်းရင်းမြစ်များ

Matiu 11:8

To lenali henana bu galune lite bi'ahanabe? To lenali bo moneuba hetofa gukete li hekoloto nohinogo bu galune lite bi'ahanafihe? Nani lu nolepube. Enali bona'i hetofa gukete li hekelete to hetofana enugufalo li melete neminana bona'iya enali sipi kibina bomofihi noha'agu minelata nehabe.

Matiu 3:4

Yoniu gukete'a hepilata hina kameli yaga oka'a gukete hepito humofa'na hu'ehina. To gilimi'a fatipagu ilata hinaya yaga gufa'atu lolo huto i'ehina yabe. To kenu'i hiti to lopi upe'i fi'ehina'a hiti nose'na'a nolata hu'ehina yabe.

Matiu 6:29

Nani lusiga luto lu nolepube. Solomoni fe'noho bo minana'a huto gukete'a ma lose tose kifinamagi li nehekalana'a huto li hekoloto memino'ehina yabe.

Luku 16:19

Bo moneuba efaha'a babu luto ni'igo ai asaga yupahi hetofa gu kata hepilata huto to hetofa hatofa nose'na babu luto nolata huto mino'ehina yabe.

Luku 7:24

Ya luto Yesu kaga lu su holago Yonihi koko pana'a abila'igo Yesu Yoni kumu kaga babu boana'i lu epi'ehina: Koyapa'i lenali bona'i menehanalo ka melugu bi'ahana henana bu galune lite bi'ahanabe? To lenali akepa mone'mofihi habahuba li pisi hu'ehina bu galune litefiye?

Luku 7:26

To ya hu'ehina lu nimilo, lenali henanaya meyaga bu galune lite bi'ahana? To mono ka lu yege hose bofi? O'yo, nani ma'naka luto lu nolepube. Ai lu yege hose bo nohibe. To ai asaga luga'a mono bona'i enohoto yabe.