Luku 7:2 - Ka Lamana'a Monoꞌi Lu Mu Tifiꞌehina Ka Yabe

² To Lomu hepato gimi bomagihi kaba bo'animofihi koko pana'a mone mino'ehina. Ya higo ana gimi bo'auba ai hetofa pana'ni yabe luto le'mo bati hu'ehina yatai ana koko pana'a sipina besito afilise'na hu'ehinalo Yesu ana hepalugu heneti'ehina yabe.

Luku 7:2 ပူးပေါင်းရင်းမြစ်များ

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Luku 23:47

Gimi bomagihi kaba bo'aniuba ya'manana huto hinamofihi hapa'a bu go su holoto Hu'mamofihi gelo bi emito ma luto lu'ehina: Ma'naka luto ya'ma boya bebe sana bo yabe.

Luku 7:1

Yesu asaga kaga boana'magihi lu epi su holoto Kapaneami hepaluga bu'ehina yabe.

Luku 7:3

Ya higo gimi bomagihi sipi bo'aniuba Yesu noabe lite lana'a keheliloto Yuta mono bona'i luga'a Yesutoga koko pana'a oto lusa gi etenogo fa hu etalibe luto enoho lifigo bi'ahana yabe.

Luku 8:42

yege pa'a mone'isi besito filise'na nohigo bilu'ibe luto loka ho'ehina. Ana pa'i nayahi luga luga su hoto mone kegi'ati loemo heleko malago kufu'a bu'ehina. Yesu kapo moloto nobigo babu bona'magi le'mo folaganugu melelete luga lugati peninite nebago bu'ehina yabe.

Aposolo 10:1

Bo mone Sisalia hepato mino'ehina. Ai gi'a Koniliasi. Ai Lomu gimi bouba 100 gimi bomagi kaba'ani mino'ehina. Ya hu'ehina gimi bomagi nupa hi'ahanamofihi gi'a Itali yabe lite he'ahana.

Aposolo 10:7

Agelouba ya luto lu emiloto i fenene hu'ehina. Ya hulago Koniliasiu koko pana'a hiti gimi bo mone hiti kehe i'ehina. Ya'ma gimi bouba Koniliasi hiti moneka humofa'na nohuto ai mono ka mege'i nomalana bo yabe.

Aposolo 22:26

Ya ligo ana kaba bouba ya'ma ka kehelito buto sipi kaba bo'a nohinalo lu emi'ehina: Ya'ma bo Lomu bo nohinagi kai hena hu etalube'mu nohane? ya ligo ana sipi kaba bouba Polu nohinaga buto ma loka ho'ehina: Kai lu nimibo. Kai Lomu bona'i nohapihe? O'yo luto Polu lu'ehina.

Aposolo 23:17

Ya ligo Polu gimi bo mone kehe ito ma luto lu emi'ehina: Ma neheya kola pana'uba kaga mone lito o'ehinagi kai le'moto buto gimi bomagihi kaba'animofihi emitogo ana kaga lu emilibe.

Aposolo 27:1

Botigu tito Itali hepalugu bilune lite enali lu bati hilago Poluhi hiti to luga'a nagalugu nehana bona'i hiti Yuliasiu Lomu gimi bomagihi kaba'ani ai ya'ma sipi gihiti bomofihi luba bona'amagi yabe lite enigi helata hanamagihi enayanuga bi'ahana.

Aposolo 27:3

Ya huloto eteka'a Sitoni hepato neheti'ohuta. Ya'ma gimi bona'i kaba'ani Yuliasiu Poluhi le'mo laga huto'a ai lalu'agita ete be tigite ana'ina'amu muhi nobilina emilo luto lu epi'ehina.

Aposolo 27:43

Ya hago gimi bomagi kaba'aniuba Poluhi le'mo buto bito he'malube'mu ekesa keheliloto lenali enoho mefililo luto laga hu epolo'ehina. To asaga bona'i nagamilugu nogosa ite keheli'ahana'a nukuma nete kehetoga kohe tete bilo, luto enoho lifi'ehina.

Kolose 3:22

To lenali lili'nalo bona'magita sipi botiniloga agoya hu emilo. Asaga lepi'ahana lili'na li bati hilo. Asaga yupahi bu lenagana kana hiti bu melenagana kana hiti lili'na amuya melete nehinogo Hu'mau kehelito lenofokehi lilibe. Ya'ma kehelite lili'na babahi hite alilo.