Luku 7:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ai kehelito koko pana'a loemo kehe i bufalo mololoto etoho lifigo kaga mone lite bite Yesuhi loka halu'ibe'mu bi'aha'ina. Kaiba Yoniu kaitoga alube'mu nohina bomomu'i luto lu'ehinana nohapi to fato bona kumu geba hilune?

Luku 7:19 ပူးပေါင်းရင်းမြစ်များ

Maki 6:7

To yalo Yesu pana'alobo 12 magi kehe igo ago'a ma luto lu epi'ehina: Nani yatai lenoho lifinogo'ni bite bona'magi komopa'aniguti foipa fele enele'me he'milabe. Lenali loemo loemo hite bilo. To ya hite loemale'ita bitetiti ma hiliyo.

Luku 10:1

Alihi Yesu 70 bo'a enele'mo ho tito loemo loemo hepato fato fatolo enoho lifila, enoho lifila higo enali kohe tete nebinogo ai alihi bilube'mu hu'ehina.

Luku 11:1

Mone yupahi Yesu hepa'i moneto buto minoloto nunumu lu su nohago mone koko pana'auba ho tito ma luto lu emi'ehina: Sipi Bo, koyapa'i Yoniu koko panana'a nunumu enelepi'ehina ana suhi huto kai nunumu lelepibe lu'ehina yabe.

Luku 11:39

Felosi bouba ya huto ekesa yigi babu noligo Yesu ma luto lu emi'ehina: Lenali Felosi bona'i, lenali asaga yupahi kohatinimofihi fegu'aga le'mo gulu gulu lila to lapetinimofihi fegu gupisa'aga li gulu gulu lilata nehabe. Ya nehana lenali komopatinigu luba huse'na to foipa faipana babu luto bai toto ni'ibe, luto Yesu lu'ehina.

Luku 12:42

To Yesu lu'ehina: Kaba bo mone ekesagu fe lina bo nohuto ai lili'na'a kaba hu bati huto minoto to sipi bo'auba kaba bo le'mo ho tiloto lili'nalo bo'a nose'na li keheli epilifi?

Luku 13:15

Ya ligo Yesu ka'alo ma luto lu emi'ehina: Lenali fagalo bona'i yabe. Fuli kana'alo lenali asaga'i toki yagatini naga i'ahanati gulu fete enele'mete bite nagami'i epilata nehana yabe.

Luku 17:5

Aposolo pana'magi Yesuhi ma lite lu emi'ahana: Kaga keheliloto ule'ale huse'nati le'mo sipi hu letobo.

Luku 17:6

Yesu ka'anilo ma luto lu epi'ehina: Lenali yafa legeya lagaso'asi mone'mofihi suhi luto kaga kehelise'natini ni'inogomo ya'mana nemuya yafa'a ma lite lu etalo: Kai ma yafamaka hapa'aka hiti i gonomi huloto buto hege nagamilugu kaika hekololoto tibo, lite linogo ana yafauba lenabaga liyafa huto kagatini kehelilina'mu yabe, luto Yesu lu epi'ehina yabe.

Luku 18:6

To Yesu lu'ehina: Bati mehina suhi luto kaga loko hulata nohina bomofihi kaga'a kehelilo.

Luku 19:8

Sakiasiu ho tiloto ma luto Sipi Bo Yesuhi lu emi'ehina: Sipi Bo, kai kehelibo. Nani yatai asaga fe'noha'ni folaganuguti fuku luto luga kegi'a fe'noha'ani menilina bona'i epilube. To bo mone'mofihi faga faga lu etoloto'ni ana'ina'a gumina li'ehiluna ya'ma luga'a loegi loegi molo babu lito emiluna'mu yabe, luto lu'ehina.

Luku 22:61

Ya nohigo Yesu i behe huto bu golago buto Pitahi bugu bu gago Pitau koyapa'i Yesu ma luto lu emi'ehina kaga ekesa hokolo hu'ehina: Ya'mana folugu'i kokole nogo memolo'ehinogo loebe monebe yupahi Yesuhi mekeheli'ohube luto bahane ho netalata'mu yabe.

Luku 24:34

To enali lu etimi'ahana: Lusiga luto Sipi Boti aho ti'ehibe. Simoniu ai'a abu go'ehibe.

Luku 7:13

Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Luku 7:20

To etali ana bole Yesutoga henetilete lu emi'aha'ina. Le'ali Yoniu nagami folo epolose bouba kai'i ka mone ma lite loka haliyo ligo noo'ibe. Kaiba alane luto lu'ehina'a kegeba nohuta bomofi to fato bo geba hilune?

Yoni 11:2

Ya'ma Maliau ai Yesuhi gigusa'alo tu mesebe hekito folo etoto oka'atu kele li eto'ehinamofihi etali'afu Lasalasi ya'ma besi'ehina bo yabe.

Yoni 4:1

Ya'mana kana'alo Felosi bomagi Yesu Yonihi be ligito babu boana'i nagami'i folo epoloto aposolo naga'a enele'mo lolo nohibe lana kaga keheli'ahana yabe.

Yoni 4:25

Ya ligo ana a'uba lu'ehina: Hu'mau ho lifi'ehina bo ai Kilisitou yabe lite gi'a helata nehana bo alibe li'ahanamoya nani akeheli'ohube. Ai oloto asaga'namofihi kaga'a lu limilina'mu yabe.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

Huto Hilina Ka 11:3

To nani ka'ni lu huto bo loemo lu etiminogo'ni gukete tafa'a li hekele'ehite bona'ni ya'ma ka'ni lu epi epi hite nehinogo ana foyamofihi kana'a ikahi 42 o belenogo su halina'mu yabe.