Luku 7:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Luku 7:13 ပူးပေါင်းရင်းမြစ်များ

Maki 8:2

Ke. Nani ya'ma boana'magihi keke'i nolu epolobe. Enali nanitoga loe yagi mone yagi yegegu mine'ahana to nose'na'ani meni'ibe.

Luku 10:1

Alihi Yesu 70 bo'a enele'mo ho tito loemo loemo hepato fato fatolo enoho lifila, enoho lifila higo enali kohe tete nebinogo ai alihi bilube'mu hu'ehina.

Luku 11:1

Mone yupahi Yesu hepa'i moneto buto minoloto nunumu lu su nohago mone koko pana'auba ho tito ma luto lu emi'ehina: Sipi Bo, koyapa'i Yoniu koko panana'a nunumu enelepi'ehina ana suhi huto kai nunumu lelepibe lu'ehina yabe.

Luku 11:39

Felosi bouba ya huto ekesa yigi babu noligo Yesu ma luto lu emi'ehina: Lenali Felosi bona'i, lenali asaga yupahi kohatinimofihi fegu'aga le'mo gulu gulu lila to lapetinimofihi fegu gupisa'aga li gulu gulu lilata nehabe. Ya nehana lenali komopatinigu luba huse'na to foipa faipana babu luto bai toto ni'ibe, luto Yesu lu'ehina.

Luku 12:42

To Yesu lu'ehina: Kaba bo mone ekesagu fe lina bo nohuto ai lili'na'a kaba hu bati huto minoto to sipi bo'auba kaba bo le'mo ho tiloto lili'nalo bo'a nose'na li keheli epilifi?

Luku 13:15

Ya ligo Yesu ka'alo ma luto lu emi'ehina: Lenali fagalo bona'i yabe. Fuli kana'alo lenali asaga'i toki yagatini naga i'ahanati gulu fete enele'mete bite nagami'i epilata nehana yabe.

Luku 17:5

Aposolo pana'magi Yesuhi ma lite lu emi'ahana: Kaga keheliloto ule'ale huse'nati le'mo sipi hu letobo.

Luku 17:6

Yesu ka'anilo ma luto lu epi'ehina: Lenali yafa legeya lagaso'asi mone'mofihi suhi luto kaga kehelise'natini ni'inogomo ya'mana nemuya yafa'a ma lite lu etalo: Kai ma yafamaka hapa'aka hiti i gonomi huloto buto hege nagamilugu kaika hekololoto tibo, lite linogo ana yafauba lenabaga liyafa huto kagatini kehelilina'mu yabe, luto Yesu lu epi'ehina yabe.

Luku 18:6

To Yesu lu'ehina: Bati mehina suhi luto kaga loko hulata nohina bomofihi kaga'a kehelilo.

Luku 19:8

Sakiasiu ho tiloto ma luto Sipi Bo Yesuhi lu emi'ehina: Sipi Bo, kai kehelibo. Nani yatai asaga fe'noha'ni folaganuguti fuku luto luga kegi'a fe'noha'ani menilina bona'i epilube. To bo mone'mofihi faga faga lu etoloto'ni ana'ina'a gumina li'ehiluna ya'ma luga'a loegi loegi molo babu lito emiluna'mu yabe, luto lu'ehina.

Luku 22:61

Ya nohigo Yesu i behe huto bu golago buto Pitahi bugu bu gago Pitau koyapa'i Yesu ma luto lu emi'ehina kaga ekesa hokolo hu'ehina: Ya'mana folugu'i kokole nogo memolo'ehinogo loebe monebe yupahi Yesuhi mekeheli'ohube luto bahane ho netalata'mu yabe.

Luku 24:3

Ya hilete enali ana muli kasito bilete he'mi ete'ahana nebelusalo bu gana Sipi Bo Yesuhi gufa'a meni'igo bu ge'ahana.

Luku 24:34

To enali lu etimi'ahana: Lusiga luto Sipi Boti aho ti'ehibe. Simoniu ai'a abu go'ehibe.

Luku 7:12

Ya hite ana hepa'mofihi sipi gegisa he mele'ahanalo buho netigo bo mone fili'ehina yafa bite neete kene mala mala hepalugu bilune'mu nehabe. To ana fili'ehina pana'i ya keto a'i mone baha'a koyapa'i afililago mone'isi nohina pana'a fili'ehigo yafa bite neago babu boana'i ana hepaluguti yibi nama hite enemege'i e'ahana yabe.

Luku 7:14

Ya luloto Yesu i mobuto ana fili'ehina pana'i ko'ehina sipa'alo bu leba toto yahi li'ehina. Ya nohigo enali filise bo ko'ehina sipa li'ahana bona'i analo ho tite lilete nehago Yesu lu'ehina: Pana'ise, nani lu nokumube, kai ho tibo.

Luku 7:19

Ai kehelito koko pana'a loemo kehe i bufalo mololoto etoho lifigo kaga mone lite bite Yesuhi loka halu'ibe'mu bi'aha'ina. Kaiba Yoniu kaitoga alube'mu nohina bomomu'i luto lu'ehinana nohapi to fato bona kumu geba hilune?

Luku 8:52

Asaga bona'i analo minana ana pa'mofi kumu lite nose'na mo site yibi hiba hiba hite nehago Yesu bu goloto ma luto lu epi'ehina: Lenali yibi nama mehilo. Ma pa'i mefili'ehina fa'mene bu'i ko'ehibe.

Yoni 11:2

Ya'ma Maliau ai Yesuhi gigusa'alo tu mesebe hekito folo etoto oka'atu kele li eto'ehinamofihi etali'afu Lasalasi ya'ma besi'ehina bo yabe.

Yoni 11:3

To ana a'male'i Yesutoga kaga melete lu emi'aha'ina: Sipi Bo, kai kibita huse bo kalalukafihi besi'ehina yabe.

Yoni 20:13

To etali Maliahi loka he'aha'ina: Ma a'ise, henabe luto yibi nohane? Ya nela'igo ai ka nona'alo lu etimi'ehina: Enali Sipi Bo'ni magati le'me he'mite kofite hepa'a mele'ahanalo mekeheli'ohunagihe.

Yoni 20:15

Mekeheligo Yesu lu emi'ehina: Ma a'ise, henabe luto yibi nohane? Kiyi'afihi sa sa nohane? luto ligo Maliau ai foya kaba bo nohina ekesa kehelito lu emi'ehina: Nalalu'niga, kai gufa'a li kofito molo'ahata hepato nelepitogo analo buto le'moto alube.

Yoni 4:1

Ya'mana kana'alo Felosi bomagi Yesu Yonihi be ligito babu boana'i nagami'i folo epoloto aposolo naga'a enele'mo lolo nohibe lana kaga keheli'ahana yabe.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

1 Koliti 7:30

To yibi hafili hite neminana'amagi minete lite hilanamofihi yibi hafili mehu tegina lolo hinogo minalo. To lenegelo bilata nehana lenali minete lite hilana yauba lenegelo mebi tegina lolo hinogo minalo. To fe'nohi mina fite neminana'amagi fe'nohatini memino tegina lolo hinogo minalo.

1 Tesalonika 4:13

Lalalutigita, lenali ya'ma fili'ahana bona'i enali kumu keheli ligitagahi hite Yesuhi mekeheli'ahana'amagi sibi hite minete yibi nama hite nemina suhi hi lalabe luto lu lepilugi kehelilo.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.