Luku 6:7 - Ka Lamana'a Monoꞌi Lu Mu Tifiꞌehina Ka Yabe

⁷ To Felosi bona'i hiti keya ka kehelise bona'i hiti Yesuhi mapahi fite mine'ahana. To enali fuli kanagu enebesise bona'i enele'mo bati hilifi to enele'mo bati mehilifi lite mapahi fite mine'ahana. To enali fisa ilune'mu ka foyagu Yesuhi le'mo malalana kapo'mu kaba hite mine'ahana.

Luku 6:7 ပူးပေါင်းရင်းမြစ်များ

Matiu 5:39

Ya hu'ehina nani aku'i yatai lu nolepube. Lenali bo moneuba osahi lenehenogomo lenali ana bo nona'a mehalo. Lenabaga hapa'alo lamagatiniga inogomo mone kegi'a i gelehe hu emitogo ino.

Maki 3:2

To ana nonugu bo mone yahi yufu no'ehina bo nohigo, enali Felosi bomagi Yesu fuli yupapogu le'mo bati hilifi lite mapahi fite mine'ahana yabe. Enali ai ya hulenogo bugu ka emekilune lite mapahi fite mine'ahabe.

Luku 13:14

To mono noto kaba hu'ehina bouba ya huto Yesu ana a'i fuli yupahi le'mo bati hina'mu luto ipagu logo lo'ehina. Ya higo ma luto asaga boana'i lu epi'ehina: Lili'na lise kana'a loegi loegi loegi yupahi minolata nohune. To lenali lenebesise'natini li he'mi lepalalabe litemo lili'na lilata nohuta kanalo elata hilo. Ya huto lepesi'ehinogomo fuli kanagu mealo luto, mono nohi kaba bouba lu'ehina yabe.

Luku 20:20

Ya hago enali fato kanalo naga'i emilune lite mapahi fite bi'ahana. To Yesuhi mapahi fite minalabe lite bona'i luga enoho lifigo bi'ahana yabe. Enali ya'mana bona'i enali bati bona'i suhi hite Yesuhi lalu'agita nohune lite bi'ahana yabe. Enali ya hite bite nehite loka babu lite heba heba hite fi taga hi etelenogo ai Yesu kaga bati hinaga lilifi to bati mehinaga nolinogomo naga ito le'mete sipi gamani bo nohinalo bilune lite mine'ahana yabe.

Yoni 9:16

Ya ligo Felosi bona'i mone'amagi ma li'ahana: Ya'ma kene'i kubuka li hetofa hu eto'ehinauba mono fuli yupapogu foya li'ehina'mu ai Hu'mamofitogati meo'ehinagi ya'ma keya kalugu mone: Mono fuli yupapogu lili'na melilo, litomo ni'igo ya'ma bo kagamofihi keheli he'mi'ehinagihe, lite li'ahana. To mone'amagi li'ahana: Henabe? Ai ma bomofi kumu amuya lili'na li eto'ehina'mu henabe luto foipa bo nohibe? Ya lite lilete folaganuguti tele'ahana yabe.