Luku 6:49 - Ka Lamana'a Monoꞌi Lu Mu Tifiꞌehina Ka Yabe

⁴⁹ To aku'i bo moneuba ka'ni kehelito to ana ka'ni he'mito akili huto nominata bouba, ai ya'ma legita nohibe. Bo moneuba noha 'a gilube'mu nohuto'a, lukesa keli nesi'asi ito fa'mene efapolo lukesa mefise noha'a gilibe. Ya huto ginogomo, alihi ko'mo ito to nagami'i holoto tito nopo gi'ehinalo bilito tito ana nopo ana'asi, mele'isi tele bilina'mu yabe. Nohi asaga'i gofana huto tele bi su halina'mu yabe. Ai akili huto nominata bouba ai ya'ma legita nohibe. Ai ka'ni kehelito to ana ka'ni he'mito akili huto nominata boube, ya'ma legita nohibe. Yesu ya luto lu'ehina yabe.

Luku 6:49 ပူးပေါင်းရင်းမြစ်များ

Matiu 23:3

Ya hu'ehinagi enali kaga lu lepilete ya hilo ya hilo nelinogomo lenali enabaga liyafa hite enemege'i melete minalo. Ya hu'ehina mone'naya enali bati mehina suhi li huto nehinogomo lenali ana hapa'amofihi enemege'i memalalo. Enali babu kaga fato fato'i lilata nehanaya ana kaga enali'ani mege'i melelata menehabe.

Matiu 24:10

Ya'mana yupahi babu boana'magi komopa'ani sibina hinogo enogo'anigihi enele'mete bite fateha'animagihi enayanuga nebite to enali'ani enogona'ani fateha'ani enele'moloto hilana'mu yabe.

Luku 12:47

Sipi bo'amofihi hapa'a akeheli'ehilina bo ai aku'i ana'ina'a le'mo lele mehuse kegeiyo huto sipi bo'amofihi ka'a keheli meemise nohilina sipi bo'auba ana koko pana'a osahi sipi halina'mu yabe.

Luku 19:14

Ya nohigo hepa'alo bona'magi enali ana bo sipi ipakafa he'ahana. Ya nehago ana bo abufa nohigo bona'i luga'a enoho lifigo kaga lite mege'i lifite bite enali ma lite li'ahana: Ya'ma bouba ai lali gihiti boti lolo mehilibe luto keheli'ohune li'ahana yabe.

Luku 19:27

Ya hu'ehina enali nani kumu'i gihiti bo meminalane li'ahana fateha'ni enele'mete ete nani nubulo enoho fililo, luto gihiti bouba lu epi'ehina yabe.

Luku 6:46

Lenali henabe luto kibina botimakase kibina botimakase lite nani kumu nelana aku'i ka'ni he'mite kegeiyo hite neminabe?

Luku 6:48

Bo moneuba noha'a gilube'mu nohuto'a, lukesa keli iba iba huto ya ema kifito buto buto, to efahi huto nohinogomo lukesa filina'mu yabe. Noha'a ya huto ginogomo, alihi ko'mo ito to nagami'i holoto tito nopo gi'ehinalo bilito tiloto nohi tele mebilina'mu yabe. Bati huto gi'ehina nopo ni'igi, nagami'uba ana nopo tele mebilina'mu yabe. To nani ka'ni kehelito agoya hu nimilata bouba, ai ya'ma legita nohibe.

Luku 7:1

Yesu asaga kaga boana'magihi lu epi su holoto Kapaneami hepaluga bu'ehina yabe.

Yoni 15:2

Nanitogati yafa moneuba ya'ma legeya'a mehalina'a yamofihi laga hu he'milina'mu yabe. To yafa mone'mofihi legeya'a helenogo legeya'a silaga'i halibe luto noluto sibina hina'a laga hu he'mi he'mi nohibe.

Aposolo 20:29

Nani lenalitogati bu fa hulenogo foipa bona'i lopi kala tegi nehana bona'i enali lenofolagahatinigu ete ginaga mefilete komopatini le'mo sibina hilabe luto keheli'ohube.

Aposolo 26:11

Nani babu yupahi Yuta bona'magi li nupa hite minelata nehana nonugu posa gito enayato lito naga osatu enibi yigiloto Yesutoga komopa'ani neemina he'milafi luto naga'i epi'ohuna. Enali kumu luto nani nitaluga logo bilata higo fato fato hepato foto'i nehanalo enegene mane ito enoholata hu'ohuna yabe.

1 Tesalonika 3:5

Ya hulago limi'i mololata bo, Satau ai lenimi'i mololago Yesuhi kapo'a he'mi'ahafi mehe'mi'ahafi to lali foyamofihi legeya'a ho helili nohifi huto nohifi yamofihi hapa'a kehelilube luto lenali kumu niginaga fise nokehelito minoto lito huna menetago Timotihi ho lufugo bu'ehina.

2 Pita 2:20

Keheli'ahafiye? Bona'i luga'amagi enali Sipi Botiuba lubuto bilata bo, Yesu Kilisitohi hapa'a ya'ma bati hite kehelilata bo yabe lite mone'ani meni'ina'amagihi enemegesa hu neeminogo ai'a aku'i enogobisalo oto enikibina bo enele'mo mololenogo aitoga i hepite bati hilana'a ya koyapa'i hapi fite minete lite hi'ahana yanauba sibina nesi'asi hu'ehina. Aliha'a minete lite hilananauba foipana napa hilina'mu yabe.

1 Yoni 2:19

Kilisitohi fatehe bona'a enali lalitogati he'mi letelete bi'ahanamagi, lali ligibo lagabo lamana'a bati huto minolata'na ya'ma lolo hite menehabe. Enali lalalutigi bati hite nehatita ya'ma mehe'mi letatita ni'ibe. To he'mi lete'ahana yamofihi hapa'a ya'ma huto huto hu'ehibe. Lali hiti nehana'a enali lalalutigi lolo hite memine'ahana, keheliya i'ohune.