Luku 6:47 - Ka Lamana'a Monoꞌi Lu Mu Tifiꞌehina Ka Yabe

⁴⁷ Nani ka'ni kehelito nominata bomo henana legita nohibe? Ai ka'ni kehelito to akili mehuse nanitoga keheli nimito nominata bomo, henana legita nohibe? Nani lu lepilube.

Luku 6:47 ပူးပေါင်းရင်းမြစ်များ

Matiu 12:50

Kokulumalugu Afo'nifu nohinamofihi agoya hu emise bona'iya nani nogona'ni netali'nigi to nani ito'nigi nehabe. Ya luto Yesu lu epi'ehina yabe.

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Luku 11:28

Ya noligo Yesu ma luto lu emi'ehina: O'yo. To enali bona'i Hu'mamofihi ka'a keheli emite mege'i melete minelata nehana bona'i enali fokehenaguti enegelo bite minalabe luto Yesu ana a'i lu emi'ehina yabe.

Luku 14:26

Bo moneuba nanitoga o'ehilinaya ai ito'agi afo'agi etali'agi to gonamu tamu'a to ai'a meha'amofi gufa'amofi ya'ma enalito megesa hu meepi'ehilina ai ana bouba nani koko pana'ni lolo mehilina'mu. To ana huto ai'a gufa'a laga besilina bona'i nani koko pana'ni lolo mehilina'mu.

Luku 6:48

Bo moneuba noha'a gilube'mu nohuto'a, lukesa keli iba iba huto ya ema kifito buto buto, to efahi huto nohinogomo lukesa filina'mu yabe. Noha'a ya huto ginogomo, alihi ko'mo ito to nagami'i holoto tito nopo gi'ehinalo bilito tiloto nohi tele mebilina'mu yabe. Bati huto gi'ehina nopo ni'igi, nagami'uba ana nopo tele mebilina'mu yabe. To nani ka'ni kehelito agoya hu nimilata bouba, ai ya'ma legita nohibe.

Luku 8:13

To nose'na biha'a efahubago hina melugu liminamoya ma huto ni'igi bona'i luga'amagi Hu'mamofihi kaga'mu enegelo bite nelibe. Ya nehana ana mono ka komopa'anigu fulu tuto emagu menominabe, enali nesi kana'asi komopa'anigu li melelete nehite fi taga huse'na huto nohigomo mele'isi ho kete ana kaga he'mi su helata nehabe.

Luku 8:8

To luga'a me'i nogoya hiti bati huto ninalo limo ina bati huto polo felana hofa toloto nose'na legeya'a babu luto legeya ho'ehina yabe. To Yesu molo emiloto ma luto lu epi'ehina: Kehelilo. Lenekesa ni'inogomo ya'ma ka keheliya ilo.

Yoni 10:27

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Yoni 13:17

Ya'mu lusiga lu lepi'ohuna, yatai lenali keheli'ahana. Kehelilete mege'i melete nehago komopatinigu babahi hilina'mu yabe.

Yoni 14:15

Lenali komopatini neniminogo ya'ma kaga lu molo'ohunanamo keheli nimilabe.

Yoni 5:40

Nani ya'ma mino kosaba huse'na lepilube luto nolugo lenali lilune lite aku'i nanitoga mealune'mu nehabe.

Yoni 6:35

Ya lite lago Yesu lu epi'ehina: Enele'mo mino kosaba huse beleti nani'ni nohube. Bo moneuba nanitoga alinamofihi kau'na mehalibe. To komopa'a nanitoga nimilina bomofihi nagami kumu mebesilina'mu yabe.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Yoni 8:52

Ya ligo Yuta bomagi lu emi'ahana: Yatai keheli bati hu ketone. Kailugu foipa fele nohibe. Abalahau filigo, kaga lu huto hulata bo filigo hi'ahanamo ninaya, kai: Nani kaga'ni liyafa huto mege'i malalinauba mefililibe nolane.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

Yemesi 4:17

Ya hu'ehina'mu mone luga'amagi enali ana'ina lamana'a lilune lite kehelilana ana nasana melilana'a ya'ma foipanamofihi nona'a enogobisalo tito minalina gumi'i lilana'mu yabe.

1 Pita 2:4

Lenali Sipi Boti mino lito buto minolata nohina efahi legi huto nohibe. Bona'magi bu ge he'migo Hu'mau keheligo mina'a hiti tigo yauba le'mo'ehibe. Ya higo lenali aitoga bite hepilo.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.

1 Yoni 2:29

Hu'mau bebe salata nohinalo nohibe lite lenali keheli'ehilanamo ya'ma to enali fotogo suhi hite minalata nehana bona'i enali Hu'mamofihi yagapana'a nehana yabe luto anokehelune.

1 Yoni 3:7

Palala'ni pana'nise, mone'amagi ete laga mehina ka ya hilo lite lu lepinogo ka'ani mekehelilo. Kilisitou ai mino fotogo huto minolata nohinagi to bona'i luga'amagi ana suhi hite bati hina suhi hilata nehinogomo enali kumu ya'ma fotogo hite neminana bona'i yabe luto lilune.

Huto Hilina Ka 22:14

Gukete'ani okala hite gulu gulu gu'ani le'mo bati bati nehana bona'magi kumu kehelugo laga'ni nebesilata nohibe. Enali ya'ma lu epinogo'ni ule'ale huto minolata yafamofihi legeya'a nelete minoba minoba nehana'amagihi ya'ma epinogo'ni nalabe to ya'ma nohi hepa'mofihi kasinugu tilabe.