Luku 6:44 - Ka Lamana'a Monoꞌi Lu Mu Tifiꞌehina Ka Yabe

⁴⁴ To bona'magi yata'a yafa legeya'a loko be gelete'ani ya uma yafa bati yafa yagi lila to yafa numutopa'a ni'inagi lite be go kehelilata nehabe. To enali bona'magi nemuya legeya'a ufehena nina nagatoti ligilata menehabe. To bai nagami'i lolo nehana legeya'a sibina hu'ehina yafa mone ufehi ni'ilinaloti ligilata menehabe.

Luku 6:44 ပူးပေါင်းရင်းမြစ်များ

Matiu 12:33

To yafa moneuba bati huto mesebe lele tele huto tiloto legeya'a bati huto sipina holata nohibe. To numutopa loto tilata nohina yafauba legeya'a ana huto ho foipa lolata nohibe. To bona'magi yafa legeya'alo belelete be gelete ya yafaya bati huto notinagi lila to numutopa loto notinagi lila hite li kehelilata nehabe.

Matiu 7:16

Enali hilana hapa'aniya lenali enogo hokolo hite bu enagalana'mu yabe. Ufehe yafamagi nemuya legeya'a helata menehabe, to nemuya yafamagi ufehe yafamofihi legeya'a holata menehabe.

Matiu 7:20

Ya huto ni'inagi fagalo lu yege hose bomagi hilana hapa'aniya lenali enogo hokolo hite bu enagalana'mu yabe.

Yemesi 3:12

To kayabe'uba i gelehe huto nahabolo legeya'a golo limilifihe? To igofa'uba ya'ma i gelehe huto kayabe'i legeya'a golo limilifihe? To hege nagamiluguti nonota nagami'i mone huto hilifihe? Ya huto huto mehilina'mu yabe.

Yute 1:12

Bona'i ya hana'amagihi lenali mono kamofihi gomolu nose'na li gehesalo'i ya'ma yaga nose'namu ha ha lite neheti'ahana enubuya mehu'ehina enali enigi'ani le'mo napa napa hite li gehesamo le'mo sibina nehabe. Enali enubu enekesa meni'igo enali'ani nasana'muko anasi keheli keheli nehabe. Enabagaguti kele yau yau hinaga nelabe. Enali ya'ma ko fato fato hite sopopo ya'ma fa'mene yasiuba li he'migo buto fa'menena lolo hulata nohina ya suhi hite melete nehana yanauba gusunupa'a meni'ina suhi lolo hulata nohibe. To yafa mone nose'na legeya'a holata kanalo legeya'a mehalina'mu yabe. Ya suhi hite enali nehabe. To yafa mone su ti'ahago bi'ehina ya'ma enali hi'ahana suhi hite minese'nalo nehabe.