Luku 6:42 - Ka Lamana'a Monoꞌi Lu Mu Tifiꞌehina Ka Yabe

⁴² To kai hena huto kogonokamofihi ma luto lu emilatabe? Ke, nogona'nimakabe, kubugu pehena nina bati huto li he'mi ketalufihe? To kaika kubugu kefa fulupa ko'ehilina bu megose ya lilata'mu yabe. To kai fagalo bo yata'a kai kubukagu ni'ilina kefa fulupa li he'miloto alihi kogonakamofihi buguti pehena ni'ilina bu go fana to'ohuto li he'mi etobo, luto Yesu bame ka lu epi'ehina yabe.

Luku 6:42 ပူးပေါင်းရင်းမြစ်များ

Matiu 26:75

Ya higo Pitahi koyapa'i Yesu kaga lu emi'ehina, ekesa hokolo hu'ehina: Kokole nogo memolo'ehinogo loegi monegi yupahi nani'i mekeheli'ohube luto bahane halata'mu yabe. Ya luto lu emi'ehina kaga ekesalo ago fegutoga heleko limito buto ginaga sipi huto yibi hu'ehina yabe.

Matiu 7:3

Kai kogonakamofihi pehena bugu nina hena hibe luto gili gili nohu etane? Kai kubukagu kefa fulupa sipi'a ana huto ko'ehina bu goto li he'miloto hubo.

Matiu 7:4

Kefa fulupa fela'a kubukagu ni'ilina li mehe'mise hena hibe luto kogonakamofihi ma luto lu emilata ni'ibe: Nogonao, pehena kubugu ni'ina li he'mi ketaluna bati huto ni'ifihe? Ya luto lilapiye?

Luku 13:15

Ya ligo Yesu ka'alo ma luto lu emi'ehina: Lenali fagalo bona'i yabe. Fuli kana'alo lenali asaga'i toki yagatini naga i'ahanati gulu fete enele'mete bite nagami'i epilata nehana yabe.

Luku 22:32

Ya hu'ehina nani afo'nifihi loka hoto kaitoga kehe'malibe luto ahu'ohube to kai nanitoga komopaka moloto nominatana mehe'mibo. To alihi komopaka i gelehe huto olotomo yalo kaikago'i kai to kogonakamagihi enele'mo amuya molobo.

Luku 6:41

To kai hena hibe luto kefa fulupa kubugu nina bu megose kogonakamofihi bugu pehena nina bu nogane?

Luku 6:43

To hetofa yafauba legeya'a sibina huto holata menohibe. To ana suhi huto yafa numutopa'a lo'ehina'auba legeya'a le'mo bati huto holata menohibe.

Aposolo 13:10

Kai Satahi pana'a. Bati'na asaga'i ni'inamagihi kai fateha'ani yabe. Asaga faga faga hiti bati mehina suhiti kailugu babu lito bai toto ni'ibe. Kai asaga yupahi Sipi Bomofihi ka mana'a faga fagagu li mololata nohane.

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Aposolo 8:21

Lili'nati mone'a ya'mana ma'naka luto kai nasanaka meni'ibe. Kai komopaka Hu'mamofihi bulo'i bebe soto meni'ibe.

Romu 2:1

Nalalu'niga, kai ana bona'magihi foipana'ani samahi tito ni'inaya laga'ni menebesibe luto ya nolapiye? To kai henabe luto ana bona'i enifisa ilata nohane? Kai ana huto foipana hulata menohapiye? Kai foipana hulata nohataya kaga meni'ibe. Kai ana suhi luto minalataya ya'mu kubuyaka hino.

2 Koliti 5:18

Ana nasanamofihi legeya'a ya'ma Hu'mamofihi nasanago ni'ibe. Lali koyapa'i ai fatehe bona'a mino'ohutaya ai'a ya'ma Kilisito kumu luto lele'mo fulu hulago ai'a bona'a nominone. To ya huto lali bona'i luga'a ya'ma ana huto enele'mo fulu hilina ka'a lu epilabe luto lu limi'ehinamo ni'ibe.

2 Timoti 2:21

To bona'i mone'amagi ya'ma sibi sabana li he'milete ya'ma enali komopa'ani gulu gulu lilinamagi lape'i lamana'a suhi huto lolo hilenogo nohi afo'afu Hu'mau lusa gito enele'mo ho tito fi hetofa hulenogo fato fato foya yamofihi li etalune'mu habe.

2 Pita 1:9

Luga'a enali nolunanaya, ya lite meminenogo enali kumu ma luto nolepube. Enali hapa'ani'mu enubu'ani fili ko'ehinamo suhi huto ni'ibe. Foipana'a kohe toto Hu'mau okala hu etoto le'mo lamana hu'ehina ya'ma ekesu ho'ehibe luto lilune.