Luku 6:41 - Ka Lamana'a Monoꞌi Lu Mu Tifiꞌehina Ka Yabe

⁴¹ To kai hena hibe luto kefa fulupa kubugu nina bu megose kogonakamofihi bugu pehena nina bu nogane?

Luku 6:41 ပူးပေါင်းရင်းမြစ်များ

Matiu 7:1

Lenali bona'i enipakafa hete enele'mo yegelo memalalo. To Hu'mau alihi lenali'i lenele'mo yegelo ana huto memalalibe.

Maki 8:7

To ana huto lagaso faya'i loe'asi ni'igo, Yesu lito Hu'mamofitoga fokehi lito pana'alobomagihi: Lite bite epilo, luto lu epigo enali lite bite epi'ahabe.

Luku 6:40

To sukulu pana'i moneuba tisa'amofihi hoto meminolata nohibe. To ai sukulugu buloto lepise kana'a su holenogo huloto'a yalo'i tisa'a hiti moneko legege neha'ibe.

Luku 6:42

To kai hena huto kogonokamofihi ma luto lu emilatabe? Ke, nogona'nimakabe, kubugu pehena nina bati huto li he'mi ketalufihe? To kaika kubugu kefa fulupa ko'ehilina bu megose ya lilata'mu yabe. To kai fagalo bo yata'a kai kubukagu ni'ilina kefa fulupa li he'miloto alihi kogonakamofihi buguti pehena ni'ilina bu go fana to'ohuto li he'mi etobo, luto Yesu bame ka lu epi'ehina yabe.

Yoni 8:7

Ya higo enali analo ho tilete nehite loka heba heba hago Yesu bu go saga huto lu epi'ehina: Lenali folagahatinigu bo mone'mofihi foipana'a menilinauba mana a'mofihi gufalo efa kosahi yata'a he'mi meleno.

Romu 2:1

Nalalu'niga, kai ana bona'magihi foipana'ani samahi tito ni'inaya laga'ni menebesibe luto ya nolapiye? To kai henabe luto ana bona'i enifisa ilata nohane? Kai ana huto foipana hulata menohapiye? Kai foipana hulata nohataya kaga meni'ibe. Kai ana suhi luto minalataya ya'mu kubuyaka hino.

Yemesi 1:24

Enubulo bu gelete bite mele'isi okaba'animofihi hapa'a enegekesu holata nehana suhi huto ni'ibe.