Luku 6:27 - Ka Lamana'a Monoꞌi Lu Mu Tifiꞌehina Ka Yabe

²⁷ To ka'ni nekehelina bona'i kehelilo. Fatehatini enele'mo bati hilo. Lenipakafa nehalana bona'i enele'mo bati hite hetofanaguti kaga lu epilo.

Luku 6:27 ပူးပေါင်းရင်းမြစ်များ

Maki 4:24

To ma ka hiti lu epi'ehina: Lenali nekehelina kagamomu'i kaba hite minalo. Hu'mau ka kehelilata bomofitoga kaga hapa'a mone hiti lu emilibe. To kaga mekehelilata bomofitoga mone nesi'asi keheli'ehina kagamofihi hapa'a aku'i fala ki etalibe. Hu'mau ya huto lenali aitoga hi emilata supo huto aku'i babu luto hu epalalibe.

Luku 23:34

Ya hite neenahago Yesu ma luto lu'ehina: Foipana'ani li he'mi epolobo, Afo'niga. Enali ya'mana li huto nehananamofihi hapa'a ya suhi nohutagihe lite keheli bati mehi'ehite nehabe. Ya noligo enali gukete'alo enali'ani kati yokolo'na hilete li futili katili hi'ahana yabe.

Luku 6:22

To bona'magi enipakafa lenehenogomo lenofokehi halo. To lenali Kokulumaguti limi'ehina Bo mege'i nemelenogomo bona'magi lenipakafa halanamo'mu nolube. To enali lenele'mo he'milana yabe. To ka foipa'a li lepalalabe. To lenigitini li sibina sabana hite halana'mu yabe. To asaga ya'mana nehi lepelenogo lenali sipi lenofokehi halo.

Luku 6:35

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

Luku 8:15

To nose'na biha'a me'i bati huto nogoya'a ninalo limo ito bati huto tinamofihi hapa'a ma huto ni'ibe, bona'i enali ka keheli ule'ale hite lilete amuya melete minago enaliluguti nose'na biha'a huto huba huba hulata nohibe, Yesu ya lu'ehina yabe.

Luku 8:18

Yana'mu lenali kaba hu bati hilo. Lenali kaga keheli bati hilanamo'mu nolube. To bo moneuba kehelise'na lilana Hu'mau ai mone'a hiti babu lito emilina'mu yabe. To bo moneuba kehelise'na melise fa'mene nohilina yalo ai kehelise'na mone ali'ohube luto ekesa noyigilina Hu'mau li he'milina'mu yabe.

Luku 8:8

To luga'a me'i nogoya hiti bati huto ninalo limo ina bati huto polo felana hofa toloto nose'na legeya'a babu luto legeya ho'ehina yabe. To Yesu molo emiloto ma luto lu epi'ehina: Kehelilo. Lenekesa ni'inogomo ya'ma ka keheliya ilo.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 16:28

Ya higo Polu bu goloto sipi kehe i emito ma luto lu'ehina: Lali asaga'i maga nohutagi kaika kugufaka li sibina mehubo.

Aposolo 7:60

Ya noluto ai lapusa noto minoloto mone'a hiti kehe sipi iloto ma luto lu'ehina: Sipi Bo, enali ya'ma li huto nehana foipana'ani'mu luto kekesa mekehelibe. Sitifeniu ya luto luloto ana'asilo fili'ehina yabe. Ya hite, Sitifenihi hanana'mu Soliu keheligo gufaluga bati hu'ehina yabe.

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

3 Yoni 1:11

Nalalu'niga, nemehi nokumuna bose, kai bona'magi enali foipana lolo nehinogomo analo enemege'i memolobo. Ana'ina lamana'a lolo nehinogomo enemege'i malalane. Luga'amagi enali nasana lamana'a lelite nebinogomo enali kumu Hu'mamofitogati huto hi'ahana yabe luto kehelilune. Luga'amagi enali foipa nasana lelite nebinogomo Hu'mamofihi hapa'a bu go fe lite bu mege'ahabe luto ya'ma kehelilune.