Luku 6:22 - Ka Lamana'a Monoꞌi Lu Mu Tifiꞌehina Ka Yabe

²² To bona'magi enipakafa lenehenogomo lenofokehi halo. To lenali Kokulumaguti limi'ehina Bo mege'i nemelenogomo bona'magi lenipakafa halanamo'mu nolube. To enali lenele'mo he'milana yabe. To ka foipa'a li lepalalabe. To lenigitini li sibina sabana hite halana'mu yabe. To asaga ya'mana nehi lepelenogo lenali sipi lenofokehi halo.

Luku 6:22 ပူးပေါင်းရင်းမြစ်များ

Matiu 10:18

Enali nani kumu lite lenali'i gamani bona'i hiti to enikibina bona enubulo lenele'mo yegelo melete ka foya li lepalalana'mu yabe. To mono ka ana gamani bona'i hiti to fegutoga bona'i hiti lu epilana'mu lite ya hi lepalana'mu yabe, luto Yesu lu epi'ehina yabe.

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

Matiu 10:39

Bo moneuba gufa'a le'mo bati huto minalina ai meha'a he'mi mana hilina'mu yabe. To mone bouba nani kumu luto gufa'a he'mi yakalesa hilinauba ai meha'a li buto bilina'mu yabe, luto Yesu lu'ehina yabe.

Luku 20:15

le'mete bite fegutoga he'mi etete ho fili'ahana yabe. Yesu enoloka ho'ehina: Ya hago foya afo'afu keheliloto hena hu epalalibe?

Luku 21:17

To asaga bona'magi sipi lenipakafa halana'mu yabe. Hena'mugope lenali nani nigi'ni lu yege homofa'na hilana'mu lite yabe.

Luku 6:21

To bona'i lenali yatai kau'na nolenahana lenofokehi hete mineno. Alihi nose'na nelete lenumu hilina'mu yabe. To lenali yibi yatai hite nehana bona'i lenofokehi halo. To alihi lenali kiya hilana'mu yabe.

Yoni 12:42

To Yuta enikibina bona'magi babu lite Yesutoga keheli ule'ale hite aku Felosi bona'i kumu koli hite lu huto mehise fa'mene mine'ahana. Lu meepi'ahana hena'mube? Enali Yesuhi kaga li pili kalune'mu nehanamagi enegekesa kehelite Felosi bona'magi Yesuhi agoya hu emi'ohuna'mu kehelilete mono nonuguti lele'mo he'mi lalibe lite fa'mene mine'ahana.

Yoni 16:2

Enali ya hite mono nohi fi hekini lo lepalalana'mu. To kana mone hupamone hilube'mu lenoho fililabe lite nehinogo Hu'mamofihi lemehi noemupihe lite lenahalana'mu yabe.

Yoni 17:14

Nani kaga lu molo'ahata lu epi'ohunamo ni'ibe. Nani metoga nasana menohugo enali ana hite metoga naga'i menehabe. Metoga nasana bona'magi enali luba enehelata nehabe.

Yoni 7:7

To ma melugu boana'magi lenali'i fatehi mehilana nani'i nipakafa hete fatehi hi netalana'mu yabe. Hena'mugope enali foipa suhi nehanamofihi hapa'ani lu huto nohu epolona'mu lite yabe.

Yoni 9:34

Ya ligo enali kaga'alo nona'a emi'ahana: Kai foipanagu keketona bose. Laliti'mu kaga mone li lelepilata nohapi? Ya lite nelite ana bomofihi le'mete mono nonuguti he'mi ete'ahana yabe.

Aposolo 22:22

Polu ya luto beto hu epologo kehelite mine'ahabe. To ai ya'ma fegutoga bona'magi kumu ka noligo ana'asi enali nogo sipi melete ma li'ahana: Ana bomo ho filibo. Metoga mefilise minalina bati mehibe. Ho filibo.

Aposolo 24:5

Lali ya'ma bo bu gota ai kegeiyo bo nohibe. Ai asaga kapoga hepato hepato Yuta bona'i hiti kenasabo bi enohomofa'na huto ka noepekina bo nohibe. To ai Nasalene naga'mofihi kaba bo'a nohibe.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

1 Pita 3:14

To lenali bati hite neminete to ginaga fise'namofihi gupisa'alo tilana'mu lenegelo bilo. Yamofihi Sipi Bouba keheli'ehinogo lenegelo bilana kehelilina'mu yabe. To luba li huto hu lepilinaya lenali nekehelite lenelesa nelinogo afoya foya meilo. To ana hite lenuluhaya metino.