Luku 6:21 - Ka Lamana'a Monoꞌi Lu Mu Tifiꞌehina Ka Yabe

²¹ To bona'i lenali yatai kau'na nolenahana lenofokehi hete mineno. Alihi nose'na nelete lenumu hilina'mu yabe. To lenali yibi yatai hite nehana bona'i lenofokehi halo. To alihi lenali kiya hilana'mu yabe.

Luku 6:21 ပူးပေါင်းရင်းမြစ်များ

Matiu 5:4

Bona'i enali eniginage figo neminana enofokehi lilo. Hu'mau enele'mo fulu hu epoloto soso hu epalalina'mu yabe.

Matiu 5:6

Bona'i enali bebe sete hapa'ani minenogo Hu'mamofihi ka'alo mege'i melete minalana enali enegelo bilo. Hu'mau alihi asaga'na epilina'mu yabe.

Luku 1:53

Ai hetofa nose'natu'i enakau'na lana bona'i enipa'ani li bai to'ehina. To enali bona'i fe'noha'ani babu lina'a enele'mo he'migo fa'mene bi'ahana.

Luku 6:20

To Yesu koko panana'a bu enogoloto lu epi'ehina: Lenofokehi hose'na lenali fe'nohatini meni'ilina bomagitaloga mineno, to Hu'mamofihi kapo'a hetofana'a lenali'na yabe.

Luku 6:22

To bona'magi enipakafa lenehenogomo lenofokehi halo. To lenali Kokulumaguti limi'ehina Bo mege'i nemelenogomo bona'magi lenipakafa halanamo'mu nolube. To enali lenele'mo he'milana yabe. To ka foipa'a li lepalalabe. To lenigitini li sibina sabana hite halana'mu yabe. To asaga ya'mana nehi lepelenogo lenali sipi lenofokehi halo.

Luku 6:25

Ehe. Bona'i lenali nose'na yatai lenumu higo nete neminana aliha'a kau'na lenoho laligi. Ehe. Bona'i lenali yatai kiya hite neminana kaba hilo. To lenali alihi sipi yibi hite lenubu nogoya limo ilina'mu yabe.

Yoni 11:35

Ya nelago Yesu yibi hu'ehina.

Yoni 4:10

Ya ligo Yesu ka'alo nona'a lu emi'ehina: Hu'mau hetofana epilata nohina hiti to nagami'i hefi nimibo luto koloka nohana bo hiti kai keheli'ahatita, ai'i loka hatago mino kosaba nagami'i kimitita'mu yabe.

Yoni 6:35

Ya lite lago Yesu lu epi'ehina: Enele'mo mino kosaba huse beleti nani'ni nohube. Bo moneuba nanitoga alinamofihi kau'na mehalibe. To komopa'a nanitoga nimilina bomofihi nagami kumu mebesilina'mu yabe.

1 Koliti 4:11

Yatai huto nohina kana'alo lali ya'ma nose'nati'mu yafi nagami kumu kau'na nolahago filito nominone. Guketeti meninana nohune. To osahi lehelata nehabe. Nohati meni'igo bula ola huto fa'mene nominone.

2 Koliti 11:27

Hitupa foya lito nugufa nagabu'i gigo humofa'na huto nubu'i ko bati mehuse humofa'na huto kau'namu filito yafi nagami kumu nebesigo yasi'mu filito mino'ohunamo ni'ibe. Gukete'mu to nebelusa'mu sa sa huto mino'ohunamo ni'ibe.

2 Koliti 12:10

To Kilisito kumu yabe luto amuya memalaluna ni'ifihe? To nele'mobe hokobe hi netalana ni'ifihe? Keke'i luse'namofihi gupisalo minaluna ni'ifihe? To bauna fise'na to kalana'i melese'namofihi gupisalo minalunamo ni'ifihe? O'yo. Fa'mene yana'mu komopa'nigu keheli sibina mehu'ohube. Nani lapa mebi'ohunalo ya'ma ai'a amuya'a nimilago amuya mololata nohunagihe.

2 Koliti 6:10

To keke'i luse'namofihi gupisalo nohuto legelo biba biba huto nominone. Salafa'amofita sibigopa bona'i asagatoga mono'mofihi fe'noha'a hiti enele'mo lolo hulata nohune. Lumuhi menina'a nohutogo komopatimofihi fe'noha'a bai toto ni'igo nominone.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

Huto Hilina Ka 21:3

To sekele mamu'a hiti kefa hisaloti nogo'a sipi ma luto malago keheli'ohuna: Hu'mamofihi nohi hepa'a ya'ma bona'magihi enubulo huto nohibe. Ai enali hiti moneko babeyafa huto minoto lito hinogo enali ya'ma bona'a yagapana'a lolo hite minalune'mu habe. Ai'a enalitoga mino moloto minoto Hu'mau afo'anifu minalube'mu hibe.

Huto Hilina Ka 7:16

Ya nehite nose'na'ani'mu kau'na mehalana'mu yabe. To nagami kumu kau'na meenahalina'mu yabe. To yegeuba meenalalina'mu yabe. To mukoho nasana moneuba enugufa'ani laga mehilina'mu yabe.