Luku 5:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya luto ligo enali baga liyafa hite faya gutalafa'ani li he'mi etago limilago faya'i ti bai telete i bili mo ite faya gutalafa'ani i bolala ise'na hu'ehina yabe.

Luku 5:6 ပူးပေါင်းရင်းမြစ်များ

Luku 5:7

Ya higo enalalu'anigihi fato botigu nehana'amo enehe'malabe lite kehe i'ahana. Enali ete loe sana sana botigu faya'i li bai te su helago ana boti keta huloto nagamilugu ma'asi limise'na hu'ehina.

Aposolo 2:41

Ya luto Pitau lulago ai ka'a keheli bati hana bona'i ana yupahi nagami'i fele su he'ahana. Ya'mana yupahi bona'i nehana'alo Hu'mau molo emi'ehina 3,000 boana'i yabe.

Aposolo 4:4

Ya hana enali babu boana'i etali ka'atiti akeheli bati hilete liyafa hite mege'i mele'ahana. Enali ya'mana boana'i asaga'i 5,000 yabe.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

Galesia 6:9

Ya huto ni'igo ana'ina lamana'amu ya'ma kosele'i mehose amuya moloto lito ho tito hilune. Buto kosele'i melahalutamofihi Hu'mau molo'ehina kana'alo minoba minoba huse nasana li huto hilutana yamofihi legeya'a lilune.