Luku 5:30 - Ka Lamana'a Monoꞌi Lu Mu Tifiꞌehina Ka Yabe

³⁰ To Felosi bona'i to keya kamofihi tisa bona'i luga'a enali ana nagaluguti Yesuhi koko pana'amagi lu epite li'ahana: Lenali henabe lite takisi nelina bona'i hiti to foipa bona'i hiti nose'na nenabe?

Luku 5:30 ပူးပေါင်းရင်းမြစ်များ

Matiu 5:46

To lenali bona'i enipa lepilata nehana bona'i enipa epite enele'mo bati hilata nehanaguti hena mina'a lilana ni'ibe? Enali foipa boana'i hiti takisi lilata bona'i hiti ana suhi hilata nehabe.

Matiu 9:11

Ya nehago Felosi bona'magi be gelete Yesuhi koko panana'a ma lite enoloka he'ahana: Henabe luto tisa botiniuba ai takisi nelina bo hiti to foipa bo hiti nose'na nonabe?

Maki 7:3

Enali Felosi bona'magi to Yuta bona'magi asaga'i, koyapa bona'amagihi hapa'anilo mege'i melete enayahi nagamilugu okala hilete yalo nose'na nenana yabe. To enayahi nagamilugu melise nehite'ani nose'na mo nesibe.

Maki 9:16

To Yesu pana'alobo'amagihi ma luto enoloka ho'ehina: Lenali enali hiti hena ka lite mine'ahabe?

Luku 18:11

Ai Felosi bouba ho tiloto faha'alo buto ho tito nohuto ma luto nunumu komopa'agu hu'ehina: O Hu'mao, nani bona'i luga'amagi suhi huto menohube ya'mu nani kegepohi nolube. Bona'i gumina felete to bo alobo loko hila ya hila nehana bomagihi suhi huto naniya menohube. Ana huto ya'ma bo ai takisi lilata nohina bo legi huto menohube.

Luku 19:7

Ya neha'igo asaga bona'i bu gelete gulu gulu bite ma lite li'ahana: Akae. Bati mehina suhi luto hetofa bomouba buto foipa bomofihi nonugu minalube'mu nohibe, lite enitaluga logo bi'ehina yabe.

Luku 5:17

Mone yupahi Yesu boana'i kaga lu epita minanalo keya ka tisa bo to Felosi bo mine'ahana. Enali asaga hepatoti Galili to Yutia kapoguti to Yelusale hepatoti e'ahana. To Hu'mamofihi amuya'auba Yesu hiti minago enebesise bona'i enele'mo bati hu'ehina yabe.

Luku 5:21

To keya ka enelepise bona'i to Felosi bona'i Yesu hinana bu gelete kaga ai lu emigo ai lu emigo hite li'ahana: Ya'ma bo kuyu'afu Hu'mamofihi bulo kele'me ka nolu etabe? To bo moneuba foipana'ani li mehe'mi epalalina'mu yabe. To Hu'ma aisigo ya hilina'mu yabe.

Luku 7:34

To yatai Kokulumaguti limi'ehina Bo ai oloto nose'na noto nagami'i noto nohigo to lenali ma lite neli etabe: Bu galo. Ai nose'na babu lito noba noba bo yabe nelabe. To bai nagami'i ana huto babu lito noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe.

Luku 7:39

To ai Felosi bouba Yesuhi nose'na nalu'ibe luto kehe i'ehina bouba ana a'uba hinana bu goloto ma huto ekesa yigi'ehina yabe. Ya'ma bo ai mana ka luto mono bomo nohutomo ya'ma a'uba gufa'alo meko nohina hena huse a'i nohifi luto bu galibe lu'ehina yabe. To hena huse foipana lito nominafi luto ai lilibe.

Aposolo 23:9

Enali akehelilete kehe kehe inanauba sipi higo kenasabo bigo keya ka enelepise bo Felosi nagaluguti luga'a ho tilete ka epekite ma lite li'ahana: Lali ma bouba ana'ina mone li sibina hu'ehinamofihi kaga hapa'a mekehelune.