Luku 5:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ana baga hiti ana bo asaga bona enubulo ho tiloto koloto mino'ehina sipa'a nolito Hu'mamofihi fokehi homo homo huto hepa'aga bu'ehina yabe.

Luku 5:25 ပူးပေါင်းရင်းမြစ်များ

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Maki 2:12

To ya ligo ana bouba ana'asi ho tito nebelusa'a kofito bufa hu'ehigo, enali asaga'i yege fite topa hete Hu'mamofi kumu fokehi lite ma li'ahana: Akae. Lali koyapa bu mego'ohuta suhi yatai li huto hibe.

Luku 13:13

Ya luloto Yesu ana a'mofihi gufalo yahi ligo analo mele'isi besise'na he'mi etago ana a'i ho ti fefe luloto Hu'mamofihi gi'a li saga huto fokehi ho'ehina yabe.

Luku 18:43

Yesu ya luto noligo ana'asi ka'a mege'i moloto ana bomofihi bu'a i gili mele'isi hu'ehina yabe. Ya hulago ana bouba Yesuhi mege'i moloto nobuto Hu'mamofihi gelo bi emi'ehina yabe. To babu bona'magi anana huto hina bu gelete Hu'mamofihi ana hite fokehi hete gi'a li saga hi'ahana yabe.

Luku 5:13

Yesu gufa'alo yahi mololoto lu'ehina: Nani ya'ma bati huto gololo tilane'mu nokehelube. Ya noligo analo'i mele'isi ana sipi lepolosi hepuha'a i gololo tu eto'ehina.

Yoni 9:24

To Yuta bona'magi ketona kanagu bu pisi lu'ehina bomofihi aku'i kehe ite ago lu emi'ahana: Ya'ma hetofa huto hu keto'ehina'mu Hu'mamofihi ai'ago foke ka lu emibo. Ya'mana Yesu foipana lilata bo nohina keheliya i'ohune.