Luku 5:24 - Ka Lamana'a Monoꞌi Lu Mu Tifiꞌehina Ka Yabe

²⁴ To nani amuya'ni lenelepilube'mu lu hokolo huto lu lepilube. Kokulumaguti limi'ehina Bouba foipana li he'milinamofihi ma melugu amuya'a li'ehibe. To gi yahi sibina hu'ehina bo lu emito lu'ehina: Nani lu nokumube, ho tito sipaka lito hepakaga bubo.

Luku 5:24 ပူးပေါင်းရင်းမြစ်များ

Matiu 16:13

Yesu Sisalia Filipai kegi'a buloto ya'mana kanalo koko pana'a ma luto enoloka ho'ehina: Asaga boana'magi Kokulumaguti limi'ehina Bo kumu'i hena hibe lite lilata nehabe?

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 9:6

Ya hu'ehina nani lenali'i lenelepilube, Kokulumaguti limi'ehina Bouba ma melugu amuya li'ehinago foipana li he'milina'a huto ni'ibe. Ya luto lu epiloto gi yaha'a sibina hu'ehina bomofihi: Ho tito sipaka kofito hepakaga bubo.

Luku 5:13

Yesu gufa'alo yahi mololoto lu'ehina: Nani ya'ma bati huto gololo tilane'mu nokehelube. Ya noligo analo'i mele'isi ana sipi lepolosi hepuha'a i gololo tu eto'ehina.

Luku 5:18

To bona'i luga'amagi bo mone felisa'a asaga'i fili'ehina bo sipalo le'me melete kofite e'ahana. Enali nonuga le'mete tite Yesu nohina bufasilo malalune'mu hi'ahana.

Luku 5:23

To hena kauba keta mehu'ehibe? To foipanaka li nohe'mube luna kauba keta mehu'ehifi to kai ho tito kapo molobo luna kauba mehu'ehibe?

Luku 7:14

Ya luloto Yesu i mobuto ana fili'ehina pana'i ko'ehina sipa'alo bu leba toto yahi li'ehina. Ya nohigo enali filise bo ko'ehina sipa li'ahana bona'i analo ho tite lilete nehago Yesu lu'ehina: Pana'ise, nani lu nokumube, kai ho tibo.

Luku 8:54

Yesu ana pa'mofihi yaha'alo liloto kehe i emito lu'ehina: Ma pa'i kai ho tibo.

Yoni 11:43

Ya luto luloto ai ka mone sipi kehe ito: Lasalasio, leke ho limibo, lu'ehina.

Yoni 17:2

Kai noto noto bona'magihi afo'anifita noho lifi'ahata bomofita nanitoga enele'mo molo'ahata kai mino kosaba huse'na epilube luto lu'ahatamo ni'ibe.

Yoni 3:13

Bo moneuba kokulumalugu meti'ehibe. Hu'mau le'mo ho ti'ehina bo, ya'ma Kokulumaguti limi'ehina Bouba moneko aisigo kokuluma hepa'i he'mito limi'ehibe.

Yoni 5:27

To ai Kokulumaguti limi'ehina Bomo nohinago asaga ka foya li epolose'nalo Pana'amofihi gi emi'ehibe.

Aposolo 14:10

Ya huloto Polu ana bomofihi kehe napa ito lu emi'ehina: Kigigusaka fi su toto ho ti fefe lubo. Ya luto ligo ana'asilo ana bouba gigusa'a bati higo ho tiloto leke hoto mone'a kapo molo'ehina.

Aposolo 5:31

Hu'mau le'moto tito yahi lamaga'aga molo'ehigo nohibe. Lali Isilaeli bona'magita kaba boti lehe'malube luto nohinago lali aitogago komopati emito aitoga binogo foipanati li he'mi letalina'mu yabe.

Aposolo 9:34

Pitau lu emi'ehina: Eniasio. Yesu Kilisito yatai kele'mo bati nohibe. Kai ho tito nebelusaka tili huto tege hubo. Ya noligo Eniasiu ko'ehinaloti mele'isi ho ti'ehina yabe.

Aposolo 9:40

Ya hago Pitau asaga bona'i ana hasaguti enele'mo fegu toloto lapusa nohi filoto nunumu hu'ehina. Ya huloto ai ana a'mofihi i behe huto bu goloto ma luto lu'ehina: Tabitao, kai ho tibo. Ya noligo bu i gili huto Pitahi bu goloto sipaloti ho tito analo mino'ehibe.

Huto Hilina Ka 1:13

Libi'i folaganugu kene'i mone nohigo bu go'ohuna. Ai meha'a bona'magita suhi huto nohigo gukete silifi'auba yatamalo limito gigusa'a hiti legege huto mino'ehina. To anaga gilimi golitu lolo hi'ahana ya'ma mino'ehina.