Luku 5:20 - Ka Lamana'a Monoꞌi Lu Mu Tifiꞌehina Ka Yabe

²⁰ To Yesu ai komopa'anigu keheli amuya mele'ahanamofihi bu goloto lu'ehina: Nalalu'niga foipanaka ali nohe'mi ketobe.

Luku 5:20 ပူးပေါင်းရင်းမြစ်များ

Matiu 9:2

Luga'a bona'magi bo mone gi yahi sibina hu'ehina bo sipa'alo ko'ehigo Yesutoga le'mete e'ahana. Ya hago Yesuhi aitoga komopa'ani mele'ahana bu goloto Yesu ana gigusa'a sibina hu'ehina bo ma luto lu emi'ehina: Pana'ni, kipagu fulu hino. Nani foipanaka li nohe'mi ketobe.

Matiu 9:5

To ya'mana bomofihi foipanaka li nohe'mi ketobe nolunauba keta hu'ehifi, to ho tito kapo molobo lilunauba keta hu'ehibe?

Maki 2:5

Enali Yesu le'mo bati hilibe lite enegekesa kehelite le'me he'mi'ahabe. To Yesu ya'ma enegekesa keheli'ahanana komopa'atu keheliloto keni bomofihi ma luto lu emi'ehina: Pana'ni, nani foipanaka ali nohe'mi ketobe.

Luku 7:48

Yalo Yesu ana a'mo ma luto lu emibe: Kai foipanaka a li nohe'mi ketobe.

Yoni 2:25

Bona'magi kumu bo moneuba ya huse bo nohibe luto lu meemilina'mu. Hena'mugope ai asaga bona'i yege yege'i nehanamagi komopa'ani hiti hapa'ani hiti akeheli baga i'ehina yabe.

Yoni 5:14

Aliha'a Yesu ana bo sipi mono nonugu nohigo bu goloto lu emi'ehina: Kai bu gobo, yatai ye koto nohane. Mone sipi keta'a hiti alihi kaitoga aku'i huto hu laligi foipana nohata he'mibo.

Aposolo 11:23

Banabasiu ana hepato buto henetiloto Hu'mamofihi boana'a bati hite nehago bu enogoloto gelo sipi biloto bati hite nehanagi ana suhi lite fulunaguti koguna ite asaga komopatini Sipi Bomofitoga emite mino mana hilo luto enogo'na bi'ehina yabe.

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.

2 Koliti 2:10

Lenali bo mone'mofihi foipana'a li pa so etelago nani ana huto li pa so etolata nohube. Ai'a foipana'a lu huto hu'ehina ya'ma li huto hu neto'ehina ni'igo ya'ma pa nosobe. Ya hu'ehina lenali kumu kehelito Kilisitohi bulo ya'ma

Kolose 3:13

Foipanatini ai li he'metenogo ai li he'metenogo hite minalo. To lenali folagahatinigu mone bouba kele'mo sibina nohinogomo kai kipagu fulu hinogo nohuto le'mo bati hubo. Sipi Botiuba lenali sibina nohuto le'mo bati hubo. Sipi Botiuba lenali sibina hi'ahanana ali he'mi lepoloto lenele'mo bati hu'ehinagihe. Ai hapa'a mege'i malalo.

Yemesi 2:18

Bo moneuba noluna ka o'e a'e nolinogomo ma luto lu emilunamo ni'ibe: Kai ya'ma keheli amuya molo'ahataya nani ya'ma mono ka legeya'a lilata nohube. Mono legeya'a menelepise keheli amuya mololata hu'ahata'asigo nelepilata yamofihi nani mono ka legeya'a lilata nohuna ya'ma kelepinogo'ni keheli amuya nomolonamofihi hapa'a fa'mene kehelilane luto lilube'mu nohube.