Luku 5:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Mone yupahi Yesu boana'i kaga lu epita minanalo keya ka tisa bo to Felosi bo mine'ahana. Enali asaga hepatoti Galili to Yutia kapoguti to Yelusale hepatoti e'ahana. To Hu'mamofihi amuya'auba Yesu hiti minago enebesise bona'i enele'mo bati hu'ehina yabe.

Luku 5:17 ပူးပေါင်းရင်းမြစ်များ

Matiu 11:5

Enali enubu pisi lina bona'i aku'i enubu'ani i gili higo asaga'na bu negabe. To enigi enayahi sibina hu'ehina bona'i kapo malabe. To ililogo bona'i enele'mo gololo tugo babe. To enekesa hekini lana bona'i enekesa li hokolo hugo kaga kehelite babe. To fili'ahana bona'i aku'i ho ti kosaba habe. To fe'noha'ani menina boana'i ka lamana'a kehelibe.

Matiu 15:1

To Felosi bona'i luga'a hiti keya kamu'i tisa bona'i luga'a hiti Yelusale hepatogati ete Yesu nohinalo nehetilete ma lite loka he'ahana:

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Maki 16:18

To enali osifa'i enayahi lilana to nalisa nagami'i nalanafi ya hilana mefililabe. To enali epesi'ehina bona'magihi enugufalo enayahi melenogo fa hu epalalibe. Hu'mamofihi amuyana'a enalitoga minenogo ya'ma topa hose foya suhi lilabe.

Maki 3:22

To Yelusale hepatogati mono ka negana bomagi limite Yesu kumu ma lite li'ahabe: Oho. Ai komopa'agu foipa feleuba, olopa felemo, gi'a Bielesebulu, ana feleuba komopa'agu tito nohibe. To ana amuya feleuba aimo le'mo amuya nomalago ai bona'i komopa'aniguti fele li nohe'mi epalabe.

Maki 5:30

To kata'a bako higo Yesu ana'asi amuya'a bu su ho'ehina komopa'atu kehelito i behe huto bona'magihi enoloka ho'ehina: Kiyi'afu kata'nilo bako hu'ehibe?

Maki 7:1

To mone yupahi Felosi bona'magi to Yelusale hepatogati mono babafimagi hiti ete Yesuhi pana'alobo'amagi enayahi nagamilugu okala mehise nose'na nenago bu ge'ahabe. Ya'ma bu gete enipagu sibina hu'ehibe.

Luku 15:2

Ya nehago Felosi bona'i to keya ka tisa bo bu gelete gulu gulu bite ma lite Yesuhi ka emeki'ahana: Ma bouba ai foipa bona'i hiti enele'mo bati huto enali hiti nose'na nolata nohibe.

Luku 2:46

To kana loegi monegimogu sipi mono nonugu tite babafi bona'i hiti kaga'anilo keheli minoto enoloka hoto nohigo le'mo huto hi'aha'ina.

Luku 5:21

To keya ka enelepise bona'i to Felosi bona'i Yesu hinana bu gelete kaga ai lu emigo ai lu emigo hite li'ahana: Ya'ma bo kuyu'afu Hu'mamofihi bulo kele'me ka nolu etabe? To bo moneuba foipana'ani li mehe'mi epalalina'mu yabe. To Hu'ma aisigo ya hilina'mu yabe.

Luku 5:30

To Felosi bona'i to keya kamofihi tisa bona'i luga'a enali ana nagaluguti Yesuhi koko pana'amagi lu epite li'ahana: Lenali henabe lite takisi nelina bona'i hiti to foipa bona'i hiti nose'na nenabe?

Luku 6:19

To asaga boana'i Yesuhi gufa'alo enayatu'i meko lilune'mu hi'ahana yabe. To hena'mube? To Yesuhi amuya'auba buto asaga bona'i enele'mo bati higo ye ke'ahana.

Luku 7:30

To ya hu'ehina enali Felosi bona'i to keya kaga babafi bona'i enali Yonihi yanuga nagami'i mefele'ahana. Yamomu'i lite enali Hu'mamofihi kapo hetofa'a noenelepinamo enali enemegesa hu emite mine'ahana yabe.

Luku 8:46

Aku Yesu lu'ehina: Mone kene'uba kefe'nilo bako higo amuya'ni he'mi netoto nobigo molo nokehelito nolube lu'ehina.

Yoni 3:10

Ya luto loka hago Yesu lu emi'ehina: Kai Isilaeli bona'magi babafi'animo nohataya mana kaga keheli hokolo mehane.

Yoni 3:21

Ya hu'ehina ai ma'naka suhi hulata nohina bouba fana tanalo huto hulata nohibe. Ya higo asaga bona'magi bu go bati hilete Hu'mamofihi mege'i moloto ai amuyalo lili'na'a li'ehibe lite lilata nehabe.

Aposolo 19:11

Hu'mau Poluhi yato babeyafana fato fato'mofihi li huto hu'ehina yabe.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Aposolo 5:34

Ya hago kanisole bona'magihi folagaha'aniguti bo mone ho ti'ehina. Ai gi'a Gamelieliu, Felosi bo yabe. Ai keya ka lu enelepilata bo, to enali asaga boana'magi ya nohinana'mu lite sipi fokehi lilata nehana, ai aposolo bona'i enoho lifigo fegutoga limi'ahana.