Luku 4:8 - Ka Lamana'a Monoꞌi Lu Mu Tifiꞌehina Ka Yabe

⁸ To Yesu ana kalo ma luto ka emeki'ehina: Mono kalugu ma huto ni'ibe. Kai Sipi Bo Hu'mamofihi gi'a liyafa hubo. To aigo ka kehelise emibo.

Luku 4:8 ပူးပေါင်းရင်းမြစ်များ

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Luku 4:4

Yesu Sataha kalo nona'a ma luto lu emi'ehina: Mono kauba ma nolibe. Bona'magi nose'na nenana suhi anasi minalana'a meni'ibe. Hu'mamofihi ka'a kehelite minalana'a huto ni'ibe.

Luku 4:7

To kai yatai kalapusa nohi fito nigi'ni liyafa hilata ya'ma ya huletogo asaga'na kai'naka lolo hilube.

Yemesi 4:7

Yana'mu lenali Hu'mamofitoga i hepilete agoya hu emilo. To Satahi le'mo he'mite ule'ale minenogo ai koli huto bufa hilina'mu yabe.

1 Pita 5:9

Satau le'mo sibina hilina'mu ya huto nohinagihe. Lenali ya'ma keheli ule'ale hiletetini amuya melete minete ai'i le'mo fitu fo he'milo. Ya nehite ya'ma lite kehelilo. Lenigibo lenagabo Hu'mamofihi kagu nehana noto noto nehanamagi enali eniginaga nofigo ana hite kehelite minelata nehabe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 22:9

ai'a: O'e, luto ya mehubo luto lu nimi'ehina. Nani kalalukafita nohube. To kalukagihi ka leli'ali nehana bomagihi enalalu'anifita nohuto to foya'ani ana huto noluna bo nohube. To ya'ma bukugu kaga keheliba keheliba hite neminana'a enali enalalu'nifita nohube. Kai Hu'mamofihi ai'ago ya'ma lipito kalapusa fi emibo.