Luku 4:41 - Ka Lamana'a Monoꞌi Lu Mu Tifiꞌehina Ka Yabe

⁴¹ To foipa felemagi babu boana'magitoga mine'ahanana Yesu enele'mo he'mi su ho'ehina. Ya nohigo ana foipa felemagi sipi ka kehe ite li'ahana: Kai Hu'mamofihi pana'a yabe. To ya nelago Yesu ka epekigo enali aku'i kaga melise bi'ahana. To hena'mube? Enali Yesu Hu'mau le'mo ho ti'ehina bo yabe lite akeheli'ahana yabe.

Luku 4:41 ပူးပေါင်းရင်းမြစ်များ

Matiu 26:63

Ya luto loka hago Yesu kaga meluse legeso huto mino'ehina. Ya higo ya'ma sipi mono bouba ma lu emi'ehina: Nani ma'naka luto Hu'ma mehiti bomofihi gi'alo koloka nohonagi kai lu nimibo. Kai Mesiaga Hu'mamofihi Pana'a nohapi fato'ibe?

Matiu 4:3

Ya higo Satau aitoga henetiloto ma luto lu emi'ehina: Kai Hu'mamofihi pana'mo nohutomo ka'ma ni'ina efahi lu epitogo nose'na lolo hino.

Matiu 8:16

Utepoya bona'magi babu bona'i epesina foipa felemo ti'ahana bona'i Yesutoga enele'mete e'ahana. Ya nehago Yesu ana foipa felemagi amuya kaga'asigo moneko'isi lu epigo bi fa hi'ahana. To fato epesina bona'i hiti enele'mo bati hu'ehina yabe.

Matiu 8:29

Yesu olenogo etali sipi kehe ilete: Hu'mamofihi pana'ise. Hena suhi hu le'etalube'mu nohane? Alihi asaga bona'i halata yupahi yatai aku le'ahalapiye? li'aha'ina yabe.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Maki 1:25

Ya ligo Yesu kele'na ka lu emito ma lu'ehina: Kaga meluse nohutoka komopa'aguti toto he'mi etobo.

Maki 1:32

To utehi yege nolimigo, asaga noepesina bona'i hiti to foipa fele komopa'anigu neminana bona'i hiti aitoga enele'mete e'ahabe.

Maki 1:34

To foipa fele komopa'anigu nemina bona'magihi foipa felemagi li he'mi epolo'ehibe. To enali foipa felemagi aimo Hu'mamofihi pana'a nohibe lite keheli'ahanaya nigi'ni mehalabe luto Yesu kaga lu laga hu epolo'ehina yabe.

Maki 3:11

To foipa felemagi Yesuhi bu gelete'ani aitoga kana futite kete sipi nogo melete: Kai Hu'mamofihi pana'a nohane lite lilata hi'ahago,

Luku 4:39

Yesu ai ana a'mo ko'ehinalo buto ho tiloto ana nobesinanamofihi ka emeki'ehina yabe. Ya higo ana nobesinana he'mi etoto nobigo analo mele'isi ana a'uba ho tiloto nose'na le'mo lele huto epila epila hu'ehina yabe.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Yemesi 2:19

Lenali ya'ma afotifu, Hu'ma moneko'isi nohibe lite lilata nehanafiye? Bati huto ya'ma ka legeya'a nelanaya foipa felemagi ana hite kehelilete sipi enelesa ligo topa hete nehabe.