Luku 4:4 - Ka Lamana'a Monoꞌi Lu Mu Tifiꞌehina Ka Yabe

⁴ Yesu Sataha kalo nona'a ma luto lu emi'ehina: Mono kauba ma nolibe. Bona'magi nose'na nenana suhi anasi minalana'a meni'ibe. Hu'mamofihi ka'a kehelite minalana'a huto ni'ibe.

Luku 4:4 ပူးပေါင်းရင်းမြစ်များ

Matiu 4:4

Yesu ka'alo nona'a ma luto lu emi'ehina: Monolugu ma luto ni'ibe: Bona'mofihi komopa'a nose'nauba li buto mebilina ai asaga kaga Hu'mau molo'ehinaubagoko le'mo buto bito hetofa kapolo malalina'mu yabe.

Matiu 6:31

Ya hu'ehinagi lenali nose'na nalana'mufi to gukete li hekalalana'mu lenekesa yigiba yigiba hilete lenelesa melino.

Luku 22:35

To Yesu lu epi'ehina: Yata'a lenoho lifi'ohuna yupahi efahatinifi gutinifi to lenigigu'natinifi melise bilo, luto lu lepuna yupahi lenali luga'a meni'ibe lite sa sa hi'ahafi ya mehi'ahabe? To enali li'ahana: O'e ya mehu'ohune.

Luku 4:10

To mono kagu mone ma luto ni'ibe. Hu'mau ai agelo'a enoho lifinogo limite kaba hu bati hi ketalana'mu yabe.

Luku 4:3

To kau'na nohago Satau Yesutoga nehetito ma luto lu emi'ehina: To kai Hu'mamofihi pana'a nohutomo ma efahi lu emitogo nose'na lolo hino.

Luku 4:8

To Yesu ana kalo ma luto ka emeki'ehina: Mono kalugu ma huto ni'ibe. Kai Sipi Bo Hu'mamofihi gi'a liyafa hubo. To aigo ka kehelise emibo.

Efeso 6:17

Ya nehinogo Hu'mamofihi lenubuto bilatana kapaloti suhi huto kakili'i lolo hinogo yamofihi lite i kolo bilete minalo. To Hu'mamofihi kaga'a yauba emita'i yatama lolo hinogo yamofihi lite minalo. Ana emita'i Sikalafu'mofihi emita'a ni'ina yabe.