Luku 4:36 - Ka Lamana'a Monoꞌi Lu Mu Tifiꞌehina Ka Yabe

³⁶ To asaga bona'i ananalo yege fite minana bu gelete enelesa'ani ligo ai lu emigo ai lu emigo hite li'ahana yabe: Ya'ma henamofihi kaga nolibe? Ai foipa felemofihi enikibina bomagifi to lusi amuya bomagi nelana'a huto ka tugo'i ho nolifigo bomofihi gufa'aguti heleko limito nobibe lite li'ahana.

Luku 4:36 ပူးပေါင်းရင်းမြစ်များ

Matiu 9:33

Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.

Maki 1:27

Ya'ma yuhufa mono'i ahuto hu'ehina ni'ifihe? Ai foipa felemagi kumu ka epekinogo ka'a keheli emilata nehabe.

Maki 7:37

To asaga bona'magi lusi topa nehete enegelo bite ma li'ahabe: Bogiyo. Ya'ma Yesu ai asaga'na keheli bati nohina yabe. Ai ekesa hekini lo'ehina bomofihi le'mo bati higo, kaga nokehelibe. To kaga meluse mino'ehina bomofihi le'mo bati higo, kaga lu bati huto nolibe. Enali ya lite yege fi'ahana yabe.

Luku 2:18

To asaga bona'i sipisipi yaga kabalo bomagi lana ka akeheli su helete ana pana kumu topa hete enekesa yigi babu li'ahana.

Luku 4:32

To enali kaga enelepise'na'amu kehelilete topa hete ho ti'ahana. Hena'mube? To Yesuhi ka'a amuya'a hiti ni'igo yabe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.