Luku 4:34 - Ka Lamana'a Monoꞌi Lu Mu Tifiꞌehina Ka Yabe

³⁴ Oho, Yesuo, Nasalete bo. Kai hena hu letalube'mu noane? Nekesa noyuguna kai lali'i lele'mo sibina hilube'mu noapiye? Kai nani akeheli'ohuna bomo nohane. Kai Hu'mamofihi fana mehe bo'amo nohane.

Luku 4:34 ပူးပေါင်းရင်းမြစ်များ

Matiu 8:29

Yesu olenogo etali sipi kehe ilete: Hu'mamofihi pana'ise. Hena suhi hu le'etalube'mu nohane? Alihi asaga bona'i halata yupahi yatai aku le'ahalapiye? li'aha'ina yabe.

Maki 1:24

Ahi. Yesuo. Nasalete naga'ise. Lalitoga hena'mu noane? Lali lahalube'mu nohuto noapiye? Nani kaimo keheli'ohube. Kai Hu'mamofihi pana'a, foipa mehuse bo nohane.

Maki 1:34

To foipa fele komopa'anigu nemina bona'magihi foipa felemagi li he'mi epolo'ehibe. To enali foipa felemagi aimo Hu'mamofihi pana'a nohibe lite keheli'ahanaya nigi'ni mehalabe luto Yesu kaga lu laga hu epolo'ehina yabe.

Luku 1:35

To agelouba Maliahi kaga'alo ma luto lu'ehina: Sikalafu'uba kaitoga alina'mu yabe. To Hu'mamofihi amuya'auba kifi talina'mu yabe. To ya hinogo ya'mana pana'i alihi ketalata'mu yabe, to bona'magi Hu'mamofihi Pana'a yabe lite gi'a liyafa hilana'mu yabe.

Luku 4:33

To mono nonugu bo mone mino'ehina aitoga komopa'agu laga mehina foipa felemo mino'ehina. Ai nogo'auba ka mone sipi kehe ito lu'ehina:

Luku 4:41

To foipa felemagi babu boana'magitoga mine'ahanana Yesu enele'mo he'mi su ho'ehina. Ya nohigo ana foipa felemagi sipi ka kehe ite li'ahana: Kai Hu'mamofihi pana'a yabe. To ya nelago Yesu ka epekigo enali aku'i kaga melise bi'ahana. To hena'mube? Enali Yesu Hu'mau le'mo ho ti'ehina bo yabe lite akeheli'ahana yabe.

Luku 8:28

Ai Yesuhi bu goloto sipi kehe iloto okabagati ifi toto Yesuhi gigusagu hekili higo koloto sipi kehe ito ma luto lu'ehina: Yesuo, kai ifo muya kokulumalugu Bo Hu'mamofihi Pana'a. Kai hena suhi hu netalube'mu nohane? Ke, kai nagabu gise'na li nugufalo memolobo, luto Yesuhi kehe ito lu emi'ehina yabe.

Luku 8:37

Ya hago babu boana'i Gegese hepatoti ete li nupa hite minanamagi Yesuhi: Bufa hubo lite li'ahana, lali sipi lelesati nolibe li'ahana yabe. Ya lite lago Yesu botigu tito he'mi epoloto bufa hu'ehina yabe.

Aposolo 16:39

Ya hilete enali Lomu gamani bomagi Polunogo Silasinogo eniginaga ka lu etimilete etele'mo fegu te'ahana. Ya hilete ma hepa'i he'mite bufa hiliyo lite etoho lifi'ahana yabe.

Aposolo 2:27

Kai nugufa'ni he'mitogo filise bona'magi hepatoga meminalibe. To ana huto lamana bomofihi gufa'a he'mitogo tuguma mebilina'mu yabe.

Aposolo 3:14

Ai hetofa bo foipana'a meni'ina bomofihi lenali lenemegesa hu emi'ahana yabe. Ya hilete lenali fato bo moneuba bo mone ho fili'ehina ya'ma bo limibo lite Pailatihi kehe igo ai le'mo lepi'ehina yabe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.

Hibulu 2:14

To Hu'mamofihi yagapana'a enali ya'ma enugufa'ani hiti golaha'ani hiti ya'asigo minago nehanaya Yesu ana suhi huto lali lugufa to hapati li lolo hu'ehina. To ai'a nofilito ya'ma bona'i fililatanamofihi afo'afu ya'ma kaba bo, Sataha amuya'a hiti bomofihi Yesu amuya'a ho he'mito le'mo sibina hu'ehina yabe.

Yemesi 2:19

Lenali ya'ma afotifu, Hu'ma moneko'isi nohibe lite lilata nehanafiye? Bati huto ya'ma ka legeya'a nelanaya foipa felemagi ana hite kehelilete sipi enelesa ligo topa hete nehabe.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

Huto Hilina Ka 20:2

Ai ya'ma hagulu osifa'i koyapa'i ema afenuga mino'ehina, Satahi fato gi'a Foipa Fele ai'a ya'ma gilo yato liloto kufu moneko tauseni ya'ma naga nonugu minalibe luto lu eto'ehina.

Huto Hilina Ka 3:7

To Filatelefia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyo emilenogo lu epilibe: Bati nominana to fotogo nohina bouba mone gihiti bo, Tebitihi, kafemofihi foloke'a li'ohuto kafe sigi hokolo hu'ehinogo moneuba buto li hekini melalube'mu hibe. To li hekini lo'ehinogo moneuba kafe mesigilube'mu hibe.