Luku 4:32 - Ka Lamana'a Monoꞌi Lu Mu Tifiꞌehina Ka Yabe

³² To enali kaga enelepise'na'amu kehelilete topa hete ho ti'ahana. Hena'mube? To Yesuhi ka'a amuya'a hiti ni'igo yabe.

Luku 4:32 ပူးပေါင်းရင်းမြစ်များ

Maki 1:22

To ka lu noepigo enali yege fite minete ma lite li'ahana: Ai keheli bati hu'ehina bomofihi supo huto ka lu nolimibe. Mono ka negana bona'magihi supo huto lu menolimibe. Ai'a amuya hiti kagamofihi hapa'a lu lelepise nohibe.

Luku 2:47

Asaga kaga kehelina bona'magi Yesu kehelise'na'amu to enali loka hana kaga lu epina'amu topa hete enekesa yigi babu lite mine'ahana.

Luku 4:33

To mono nonugu bo mone mino'ehina aitoga komopa'agu laga mehina foipa felemo mino'ehina. Ai nogo'auba ka mone sipi kehe ito lu'ehina:

Luku 4:36

To asaga bona'i ananalo yege fite minana bu gelete enelesa'ani ligo ai lu emigo ai lu emigo hite li'ahana yabe: Ya'ma henamofihi kaga nolibe? Ai foipa felemofihi enikibina bomagifi to lusi amuya bomagi nelana'a huto ka tugo'i ho nolifigo bomofihi gufa'aguti heleko limito nobibe lite li'ahana.

Yoni 6:63

Sikalafu'uba ai'a aku'i bona'i enele'mo kosaba hulata nohibe. Fa'mene lugufauba nesi'asi lehe'molata nohibe. Ya'ma nani noluna kagaya mino kosaba huse'na hiti Sikalafu'i hiti nina ninamofihi lu nolepube.

Yoni 7:46

Ya lite enoloka hago gimi bomagi lu epi'ahana: Ya'mana bouba kaga lu'ehina'a huto koyapa'i mone bouba kaga melu'ehibe.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

1 Tesalonika 1:5

Ka lamana'a ito buto lu lepi'ohuta yabe. Lali labagagutiko ka lepi'ohuta meni'ibe. O'e, Hu'mamofihi amuya'a hiti ni'igo ai Sikalafu'uba ya'ma lamana'a ni'ibe luto lu lepi'ehinamo yabe. Lali lenalitoga mino'ohuta hapati abu ge'ahanamo ni'ibe. Lenali kumu yabe luto lenele'mo bati hilune luto lamana huto mino'ohuta bu ge'ahabe.

Taitasi 2:15

Kaga ya'ma lu nokumuna yamofihi lu enelepilata huto minobo. To bona'i enali kai kumu fa'mene bo nohibe lite li lalagi Hu'mau amuya'a hiti molo keto'ehina bo'amaka enegekesa lito sibina nehinogomo ka epekito enele'mo bebe soto hubo. To bati nehinogo kai bebe sose ka lu epito komopa'anigu enele'mo amuya molobo. To kai kumu kehelinogo notinogomo kebe meligino.