Luku 4:23 - Ka Lamana'a Monoꞌi Lu Mu Tifiꞌehina Ka Yabe

²³ To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Luku 4:23 ပူးပေါင်းရင်းမြစ်များ

Matiu 13:54

To ai hepa'aga i behe huto buloto asaga boana'magihi Hu'mamofihi mono ka'a enali mono noha'anigu lu epi'ehina yabe. Ya nohigo enali topa helete ma lite li'ahana: Ya'ma bouba kaga keheli bati huse'na'a hiti to topa hose'na li huto huse'namofihi ka hapa'aba hiya'agati li'ehibe?

Matiu 4:13

Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Maki 6:1

To Yesu ana kapoguti he'mito buto kapo'aga nehetigo pana'alobo hiti bite neheti'ahabe.

Luku 2:39

Etali asaga'na Sipi Bomofihi keya ka'auba lu'ehina'a hi su helete i behe hite Galili melugu hepa'ani Nasalete bi'aha'ina.

Luku 2:51

Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.

Luku 4:16

Yesu Nasalete bu'ehina. Koyapa'i ai yagapana'i nohuto ya'mana hepato nohuto hofa toto olopa hu'ehina. To ai fuli kanagu asaga hulata nohina'a hapa'a huto mono nonugu Hu'mamofihi ka'a lu epilube'mu ti'ehina.

Luku 4:31

Yesu Kapaneami hepato Galili kegi'a limi'ehina ya huto fuli kanagu boana'i kaga enelepi'ehina.

Luku 4:35

Ya ligo Yesu ana foipa felemofihi ka emekito lu emi'ehina: Kai kaga nolata kabaga li sumu kito ya'ma bo he'mi etobo. To asaga enubu'anilo ya'mana foipa fele komopa'agu nohinana ana boti he'mi etoto nobuto le'mo felu hago buto ko'ehina mone gufa'a le'mo sibina hula ya hula mehu'ehina.

Luku 6:42

To kai hena huto kogonokamofihi ma luto lu emilatabe? Ke, nogona'nimakabe, kubugu pehena nina bati huto li he'mi ketalufihe? To kaika kubugu kefa fulupa ko'ehilina bu megose ya lilata'mu yabe. To kai fagalo bo yata'a kai kubukagu ni'ilina kefa fulupa li he'miloto alihi kogonakamofihi buguti pehena ni'ilina bu go fana to'ohuto li he'mi etobo, luto Yesu bame ka lu epi'ehina yabe.

Yoni 4:28

Ya hago ana a'uba nagami somo'a analo nohe'mito tauniga buto bona'i ma luto lu epi'ehina:

2 Koliti 5:16

Yamofihi lali melugu bona'magi kehelise'na mege'i mololoto hapa hapa'ani lu su meho epalalune'mu hune. To lali koyapa'i ya huto Kilisitohi ana huto gufa'amofihi hapa'a bu go'ohuta, ana babeyafalo yata'isi ya'ma aku'i mone bu megone.