Luku 4:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Sipi Bomofihi meha'a nani hiti ni'ibe. Ai ka lamana'a feno'ha'ani menina bonatoga leli'ali hubo luto nele'mo ho ti'ehina yabe. Ai kaga ya'ma luto lubo luto noho lifi'ehina yabe. Lenali naga'i li'ahana bona'i he'mite fa'mene bilo. Lenali lenubu metepu i'ehina bona'i lenubutini i fana talibe. To lenali sipi ketana li'ahana bona'i bati hite minalabe.

Luku 4:18 ပူးပေါင်းရင်းမြစ်များ

Matiu 11:5

Enali enubu pisi lina bona'i aku'i enubu'ani i gili higo asaga'na bu negabe. To enigi enayahi sibina hu'ehina bona'i kapo malabe. To ililogo bona'i enele'mo gololo tugo babe. To enekesa hekini lana bona'i enekesa li hokolo hugo kaga kehelite babe. To fili'ahana bona'i aku'i ho ti kosaba habe. To fe'noha'ani menina boana'i ka lamana'a kehelibe.

Matiu 12:18

Ya'ma lili'nalo bo'ni nohibe luto Hu'ma lu'ehina, ai nani'ni le'mo ho notube. Ai nebesina bo nohigo ai kumu'i nipagu bati hulata nohina pana'ni yabe. Nani Sikalafu'ni aitoga malaluna'mu yabe, to ai fato naga'magitoga hetofanaguti minosemofihi kagu lu epimofa'na hilina'mu yabe.

Matiu 12:20

To akepa mone i pisi hu'ehilina ai li gofa mehilina'mu yabe. To logo mone loloto yuhufa sabalube'mu nohilina ai li sobo su mehalina'mu yabe. Ai lili'na liba liba huto nohuto mino fe luse'namofihi be ligiloto'a yabe.

Matiu 4:16

Bona'i enali metepunagu neminana enali sipi logo fana mehena'a abu ge'ahabe. Enali bona'i metepu ito filisemofihi hepa'i ninalo neminana enalitoga fana mehena ahuto hu epolo baga i'ehibe.

Matiu 5:3

Bona'i enali komopa'anigu nani bati mehina bo nohube lite kehelite ya'ma minelata nehana enali enegelo bilo. Enali Hu'mamofihi kapo'alugu tilana'mu yabe.

Luku 4:17

To enali mono lu huto huto bo Aisaiyahi buku'a ite ete emi'ahana. Ya nehago ai aho tito ana buku fokoloto ka mone ma luto ni'ina'mu sa huto leka so'ehina:

Luku 6:20

To Yesu koko panana'a bu enogoloto lu epi'ehina: Lenofokehi hose'na lenali fe'nohatini meni'ilina bomagitaloga mineno, to Hu'mamofihi kapo'a hetofana'a lenali'na yabe.

Luku 7:22

To Yonihi koko pana'amale'i ete loka hana kalo Yesu ma luto lu etimi'ehina: Letali he'mite bite Yonihi letali bu negago lolo nohunana to letekesatu keheli'aha'inana lu emiliyo. To enubu sibina hina bona'i i gili habe. To enigi enayahi foipa lana bona'i kapo malabe. To hehe bona'i enele'mo gololo tugo babe. To negi bona'i enekesa hokolo higo kaga kehelibe. To fili'ahana bona'i aku'i ya ho ti kosaba habe. To ana huto Hu'mamofihi hetofa ka'a enumuhi menina bona'magi nekehelibe.

Yoni 1:41

Ai yata'a buto go'afihi Simonihi sa sa huto bu goloto ma luto lu emi'ehina: Lali Mesiahi abu go'ohune, lu'ehina. Ya'ma Mesiahi ho gelehe huto Kilisito, gimofihi hapa'a Hu'mau le'mo ho ti'ehina bo, nolune.

Yoni 12:46

To nani ya'ma melugu oto minoto libi'i mone suhi huto nominobe. Ya nohugo bona'magi nanitoga keheli ule'ale hite metepuna monelugu meminalana'mu.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Aposolo 4:26

Enali enikibina bo asaga noto noto hepatogati ho ti baga to sipi bo hepato hepato mino baga i'ahana to ti su helete Sipi Bo Hu'ma hiti to Mesia'afi hiti enemegesa hu etimite etele'mo melugu malalune lite ho ti baga ilana'mu yabe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.