Luku 4:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Yesu Nasalete bu'ehina. Koyapa'i ai yagapana'i nohuto ya'mana hepato nohuto hofa toto olopa hu'ehina. To ai fuli kanagu asaga hulata nohina'a hapa'a huto mono nonugu Hu'mamofihi ka'a lu epilube'mu ti'ehina.

Luku 4:16 ပူးပေါင်းရင်းမြစ်များ

Matiu 2:23

Ai buto Nasalete hepato nohi gito mino'ehina. Ya higo kaga lu huto huto bona'magi li'ahanauba legeya'a li huto nohibe lite li'ahana: Enali Nasalete bo yabe lite lilata hilana'mu yabe.

Luku 2:39

Etali asaga'na Sipi Bomofihi keya ka'auba lu'ehina'a hi su helete i behe hite Galili melugu hepa'ani Nasalete bi'aha'ina.

Luku 2:42

Yesuhi kufu'a 12 ni'inamo enali ananalo bilata ya'ma asaga kufu kana Yelusale hepato mono nose'na nalune'mu hite moneko kumu bi'ahana.

Luku 2:51

Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.

Luku 4:15

Yesu asaga boana'i mono noha'anigu kaga lu epilata higo enali fokehi hete'ani gi'a liyafa hi'ahana yabe.

Luku 4:17

To enali mono lu huto huto bo Aisaiyahi buku'a ite ete emi'ahana. Ya nehago ai aho tito ana buku fokoloto ka mone ma luto ni'ina'mu sa huto leka so'ehina:

Luku 4:21

To ai kaga luto lu epi'ehina: Ya'ma mono ka lenali keheli'ahago leka so'ohuna yatai huto nohibe nolube.

Luku 4:23

To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Yoni 18:20

Loka hago Yesu lu emi'ehina: Yege yege yupahi nani kaga'ni asaga boana'magihi lu epilata nohuto ya nasanamofihi fala meki'ohuna. To Yuta bona'i asaga li gehesa mono nonugufi to sipi mono nonugufi analo kaga lu epito nohuto suguna kaga lu meepi'ohuna.

Aposolo 17:2

Polu hulata nohina suhi luto Yuta bona'magi kaga lu keheli fa keheli hilata nehana noha'anigu buto ti'ehina. To ai loegi monegi fuli kana'agu mono bukugu ana bona'i kaga ma luto lu epi'ehina: