Luku 4:1 - Ka Lamana'a Monoꞌi Lu Mu Tifiꞌehina Ka Yabe

¹ Sikalafu'uba Yesutoga bai tago Yota nagami'i he'mito nobigo Sikalafu'uba bona'i menehana ka melugu le'moto bu'ehina.

Luku 4:1 ပူးပေါင်းရင်းမြစ်များ

Matiu 3:16

Yesu nagami'i afolo etolago mele'isi fa'mene kugutatoga ti molo'ehina. Ya nohigo analo kokuluma'i hokolo nohigo anaguti Hu'mamofihi Sikalafu'a limi'ehina, ai kigopa nama legitana lolo huto oto Yesuhi lataha'alo fi besa lo'ehina yabe.

Luku 2:27

To Simionihi Sikalafu'uba le'mo kapo malago sipi mono nonugu tito'a Malianogo Yosefenogo to ana pana'i Yesuhi keya kagauba lu'ehina suhi hu etalu'ibe'mu neha'igo bu enogo'ehina.

Luku 3:3

Ya higo ai Yotani nagami'mo kegi'a Hu'mamofihi kaga'a leli'ali huto boana'i nehanalo lu yege ho epi'ehina: Komopatini i gelehe hite foipanatinigati li he'mite nagami felelenogo Hu'mau foipanatini li he'mi lepalalibe, luto mino'ehina yabe.

Luku 3:38

To Inosi ai Setihi pana'a yabe. To Seti ai Ataha pana'a yabe. To Atau ai Hu'mamofihi pana'a yabe.

Luku 4:14

Yesu Galili hepatoga i gelehe huto nobigo Hetofa Sikalafu'mofihi amuyana'auba ai hiti bu'ehina yabe. To ai hu'ehinanamofihi kaga'a asaga hepatoga bu baga i'ehina.

Luku 4:18

Sipi Bomofihi meha'a nani hiti ni'ibe. Ai ka lamana'a feno'ha'ani menina bonatoga leli'ali hubo luto nele'mo ho ti'ehina yabe. Ai kaga ya'ma luto lubo luto noho lifi'ehina yabe. Lenali naga'i li'ahana bona'i he'mite fa'mene bilo. Lenali lenubu metepu i'ehina bona'i lenubutini i fana talibe. To lenali sipi ketana li'ahana bona'i bati hite minalabe.

Yoni 1:32

Yoniu kaga mone ma luto lu huto hu'ehina: Sikalafu'uba nama lolo huto kokuluma'i he'mito limito aito mino'ehigo bu go'ohube.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Aposolo 1:2

kokulumalugu ti'ehina kana moloto oto pa sobe. Kokulumalugu meti'ehigo Sikalafu'uba Yesuhi he'mago kaga ma luto enele'mo nupa hu'ehina aposolo panana'a lu epi'ehina.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 8:39

Ya hilete nagamiluguti fa'mene kugutatoga neti'igo Hu'mamofihi Sikalafu'auba Filipihi le'mo minigi'ehina. Ya higo gamani bouba Filipihi aku aku'i bu mego'ehina. Ai ya huloto gelo bimo bimo hepa'aga nobina kapo kiyaka lito bufa hu'ehina yabe.