Luku 3:23 - Ka Lamana'a Monoꞌi Lu Mu Tifiꞌehina Ka Yabe

²³ Yesu lili'na hapi fi'ehina kanagu foya kana'a 30 bulago hapi fi'ehina. Enali Yosefehi pana'a yabe lite enegekesa keheli'ahana. To Yosefe ai Hilai pana'a. Hilai ai pana'a Matati yabe.

Luku 3:23 ပူးပေါင်းရင်းမြစ်များ

Matiu 1:1

Ma fayahi Yesu Kilisitohi tata'agi enigi'ani mana ni'ibe. Yesuhi tata'afu mone Tebiti yabe. To ana bomofihi tata'afu mone koyapa bo gi'a Abalaha yabe.

Matiu 1:16

To Yakopu ai Yosefehi afo'afu yabe. To Yosefe Maliahi baha'a yabe. Ya'ma Malia ai Yesuhi ito'afu yabe. To Yesuhi gi'a mone Kilisito yabe. Ana gi'amofihi hapa'a Hu'mau le'mo ho ti'ehina bo nelanamo ni'ibe.

Matiu 1:6

To Yese ai Tebitihi afo'afu yagi ya'ma Tebiti sipi kibina bo huto hu'ehina yabe. To Tebitiu ai mone bo Yulaiya yabe ana bomofihi liha'a Tebitiu lilago pana'a keto'ehina gi'a Solomoni yabe.

Matiu 13:55

Yafa lolo huse bomofihi pana'amo nohifi fato bobe? Maliau ito'afu nohifi fato pana'mofihi ito'afube? To Yemesiu, Yosefeu, Simoniu, to Yutasiu ai gona'amo nehafi fato bomofihi enogona'ani nehabe?

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Maki 6:3

Ai nohi gise lili'nalo bo nohina, ai fa'mene Maliahi pana'a nohina yabe. To Yemesigi Yosesegi Yutasigi Simonigi enogo'anifu nohibe. To etali'agi mana hepatiga nehana yabe. Ai hepatilo bo nohinaya ya'ma ka nolina'a hiya'agati keheli'ehibe?

Luku 2:48

Etali ito'afugo afo'afugo Yesuhi mono nonugu nohigo bu gelete topa hete ligo ito'afu kehe ito lu'ehina: Pana'ni kai henabe luto ya'ma suhi nohane? To kai ya hanogo le'ali le'elesati'a ligo kai kumu'i higo sa sa nohu'ibe luto ligo,

Luku 3:31

To Elaiyakimi ai Meliahi pana'a yabe. To Melia ai Menahi pana'a yabe. To Mena ai Matatahi pana'a yabe. To Matata ai Netanihi pana'a yabe. Netani ai Tebitihi pana'a yabe. To Tebiti ai Yesihi pana'a yabe.

Luku 4:22

To enali gi'a liyafa hilete kaga hetofana baga'aguti lina'mu enekesa yigi babu li'ahana. Ya hilete'ani enali li'ahana: Ma bose, ya'mana pana'iba Yosefehe pana'mo nohifi fato pana'i nohibe?

Yoni 1:45

To Filipiu bo mone Natanielihi sa sa huto bu goloto ma luto lu emi'ehina: Koyapa'i Moseu ma bomofi kumu keya kagu go'ehinamo lali abu go'ohune. Ai Nasalete hepatoti Yosefehi pana'a yabe.

Yoni 6:42

Ya hilete li'ahana: Ya'ma bo Yosefehe pana'a Yesuumo nohifihe? Ai afo'afinogo ito'afinogo akeheli'ohutamo minaya yatai ai hena hibe luto kokulumaluguti limi'ohuna bo nohube nolibe?

Aposolo 1:1

Oho Tiofilusio. Nani yata'a buku'nigu Yesu yata'a hapi fito li huto hu'ehinana hiti to kaga lu epi'ehina hiti ninamofihi fayahi go'ohube. To lili'na'a hapi fito li'ehinamoloti ti baga iloto,