Luku 3:1 - Ka Lamana'a Monoꞌi Lu Mu Tifiꞌehina Ka Yabe

¹ Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Luku 3:1 ပူးပေါင်းရင်းမြစ်များ

Matiu 14:1

Yata'a sipi kibina bo Helotiu ya'mana kanalo Yesuhi kaga'a keheli'ehina yabe.

Matiu 14:3

Ai ya'ma huto ni'ibe. Koyapa'i Helotiu Yonihi yato seni nagatu naga'i etoloto nagalugu he'mi eto'ehina yabe. Helotiasiu ai Filipihi liha'a Helotihi ai etali'afihi hapa'amu lite ya hi ete'ahana yabe.

Matiu 14:6

Mone yupahi Helotihi ito'afu keto'ehina kana'alo bona'i luga'a ete li gehesa hite nose'na gete nete mine'ahana yabe. Ya nehago Helotiasihi pa'auba folagaha'anigu melekehi ito bula ola hu'ehina yabe. Ya higo Helotihi laga'a gofa besi'ehina yabe.

Matiu 22:17

Ya hu'ehinagi kai ma kaga lu limibo. Kai henabe luto kekesa noyigine? Lomu gamani bomofito takisi he'milata nohutaba lali keya kagati li gofa nohopi to bati huto nohe'mune? Ya, kagatilo nona'a lu limibo.

Matiu 27:2

Enali seni nagatu'i Yesuhi yato naga'i ilete le'mete bite Lomu gamani bo Pailatihi sipi bo nohinamofihi emi'ahana yabe.

Maki 6:17

Koyapa'i Helotiu mone'amagihi enoho lifigo bite Yonihi lite naga'i emite le'mete bite kalabusi nonugu he'mi ete'ahana yabe. To henabe lutobe? Ai Helotiu, go'afihi Filipihi liha'a, gi'a Helotiasi, ya'ma a'i gumina folo'ehigo, Yoniu: Ya'ma kogokafihi liha'a li'ahata ya bebe meso'ehina yabe, luto lu emigo Helotiu Yonihi kalabusi emi'ehina yabe.

Maki 6:21

To yalo mone yupahi Helotiasiu ya'ma Yonihi nona'a emilinamofihi geba huto ho fililina kapo'a bu go'ehibe. Ana yupahi Helotiu sipi nose'na laita huto yege yege bona'i kehe igo e'ahabe. Ya'ma koyapa Helotihi ito'afu ai'a keto'ehinamofi kumu beto hilana'mu li gehesa hi'ahana yupapo yabe. Kanisole bo hiti gimi bo hiti to Galili kapoguti sipi bomagi hiti e'ahabe.

Luku 13:31

Ana yupahi Felosi bona'i luga'amagi ete ma lite Yesuhi lu emi'ahana: Helotiu kahalube'mu nohinagi kai ma hepa'i he'mito foto'i fatoga bubo, lite lu emi'ahana.

Luku 2:1

Ya'mana yupahi Sisa Ogasitasi ai Lomu gihiti bouba asaga boanatoga enigi'ani liloto leka salube luto kaga mololoto lenigi lilube lu'ehina.

Luku 23:24

Ya hago Pailatiu enali lana ka'aniuba hago enali enemege'i moloto enabaga liyafa hilube'mu hu'ehina yabe.

Luku 3:19

To ya hu'ehina Yoni Helotihi yata'a gamani bo'aniuba babu foipa faipana huto to Helotiu go'afihi liha'a lito gi'a Helotiasi aitoga hu'ehinana'mu Yoniu ya'mana'mu ka emeki'ehina yabe.

Luku 9:7

Heloti Galili kapo kibina bo ai asaga'na huto hinamofihi kaga'a akehelito nohigo luga'a bona'magi Yoniu nagami folo epolose bo fili'ehinati aku'i ho ti'ehibe lago ai ekesagu pisili bito loe lae hu'ehina.

Aposolo 23:26

Gamani bo Felikio. Nohapihe? Nani Kolotiasiu Lisiasiu ya'ma fayahi nogo ketobe.

Aposolo 24:27

To ya'ma bo, Felikiu ai Yuta bona'magi nani kumu laga lebesina bo nohibe lilabe ya luto enalitoga mololoto Poluhi naga nonugu he'mi etago mino'ehina. Yalo loe kufu kana'a bulago Felikiu ana hepa'mofihi kaba huse lili'na he'mito buto ana gamani lili'na mone lilube'mu bu'ehina. Yalo'i fato kaba bo mone'mofihi gi'a Posiasi Fesitasiu ya'ma Sisalia hepato nehetito mino'ehina.

Aposolo 26:30

Polu ya luto lulago ya'ma kibina bouba gamani bona'a hiti to Benisi hiti ho tilete nonuguti fegutoga limite ma lite lu keheli'ahana: Ya'ma bomofihi ho filila to nagalugu le'mo molola hilutana mone li huto mehu'ehibe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.